ແອດພາທຸກຄົນມາຮູ້ຈັກປື້ມ Business Made Simple “ເຮັດທຸລະກິດໃຫ້ຮຽບງ່າຍແຕ່ໄດ້ກຳໄລງາມ” ອ່ານມ່ວນອີຫຼີ

ຜູ້ຂຽນ Donald Miller | PodSum Ep 11

🍌ສະຫຼຸບ ສິ່ງທີ່ແອດໄດ້ອ່ານຈາກປື້ມ Business Made Simple ອ່ານຈົບເຂົ້າໃຈຂະບວນທຸລະກິດແບບງ່າຍໆ ບໍ່ໄດ້ຈົກຕາ😉 ລຸຍກັນເລີຍ💪

ອາຊີບທີ່ຂັບເຄື່ອນດ້ວຍຄຸນຄ່າ

ເບິ່ງຕົວເອງເປັນສິນຄ້າທາງເສດຖະກິດໃນການຕະຫຼາດເສລີ

ໃນປື້ມ high output management ໂດຍ Andrew Grove ອະດີດ CEO intel ກ່າວໄວ້ວ່າ “ກົດພື້ນຖານທີ່ທ່ານຕ້ອງຈື່ໃຫ້ຂຶ້ນໃຈຄື ບໍ່ວ່າທ່ານຈະເຮັດວຽກບ່ອນໃດກໍຕາມທ່ານບໍ່ແມ່ນລູກຈ້າງ ທ່ານກຳລັງເຮັດທຸລະກິດທີ່ມີລູກຈ້າງໜຶ່ງຄົນ ນັ້ນຄືຕົວທ່ານເອງ ແລະ ທ່ານຢູ່ໃນສະໜາມແຂ່ງຂັນກັບຄູແຂ່ງໃນທຸລະກິດດຽວກັນອີກເປັນລ້ານໆແຫ່ງ ມີຄົນອີກນັບລ້ານຄົນທົ່ວໂລກທີ່ຈະກ້າວມາເປັນຜູ້ນຳສາມາດເຮັດສິ່ງດຽວກັບທີ່ທ່ານເຮັດຢູ່ ແລະ ເຜີໆອາດຈະກະຫາຍຢາກເຮັດຫຼາຍກວ່າສ້ຳ”

ຄົນທີ່ປະສົບຜົນສຳເລັດຫຼາຍຄົນເບິ່ງຕົວເອງຄືສິນຄ້າທາງເສດຖະກິດໃນການຕະຫຼາດເປີດ ພ້ອມກັບການສ້າງຜົນຕອບແທນທີ່ສົມນ້ຳສົມເນື້ອໃຫ້ກັບຜູ້ຄົນທີ່ເຂົ້າມາລົງທຶນໃນຕົວພວກເຂົາ

ເບິ່ງຕົວເອງເປັນຕົວເອກບໍ່ແມ່ນເຫຍື່ອ

Donald Miller  ເລົ່າວ່າຕົວເພິ່ນເອງເປັນຄົນທີ່ເຕີບໂຕມາແບບຍາກຈົນ ລາວ ແລະ ເອື້ອຍ ຖືກພໍ່ຖິ້ມໄປຕັ້ງແຕ່ຍັງນ້ອຍ ປ່ອຍໃຫ້ຢູ່ກັບແມ່ ແມ່ຂອງລາວຕ້ອງເຮັດວຽກຕິດຕໍ່ກັນຫຼາຍຊົ່ວໂມງເພື່ອໃຫ້ພວກເຂົາມີເຂົ້າກິນ

ແຕ່ໃນທີ່ສຸດຊ່ວງອາຍຸ 50 ປາຍໆແມ່ຂອງພວກເຂົາກັບເຂົ້າໄປຮຽນໜັງສື ແລະ ໄດ້ຮັບທັ້ງປະລິນຍາຕີ ແລະ ໂທ ເຫດຜົນທີ່ລາອອກຈາກວຽກເພາະວ່າແມ່ຕ້ອງການໃຫ້ລູກໆຕົວເອງຮັບຮູ້ວ່າ ພວກເຂົາສາມາດປະສົບຜົນສຳເລັດກັບອີຫຍັງກໍໄດ້ ແມ່ບໍ່ຢາກໃຫ້ເອື້ອຍ ແລະ ນ້ອງເຊື່ອວ່າເຮົາມາຈາກຕຳນານຊີວິດຂອງຜູ້ຕົກເປັນເຫຍື່ອ

ໃນຮູບເງົາຕ່າງໆ ເຫຍື່ອມີສ່ວນໜ້ອຍດຽວ ພວກເຂົາມີຕົວຕົນໃນເລື່ອງເພື່ອເຮັດໃຫ້ຕົວຮ້າຍເບິ່ງຄືໂຫດຂຶ້ນ ແລະ ເຮັດຕົວໃຫ້ຕົວເອກດູດີເທົ່ານັ້ນເອງ

Donald Miller ຂໍໃຫ້ເລືອກທີ່ຈະບໍ່ແນມຕົວເອງເປັນເຫຍື່ອເພາະມັນຈະປິດຕາຍການພັດທະນາຕົວເອງ

ຖ້າທ່ານມີບັນຫາຢູ່ ແລະ ຖືກກະຕຸ້ນໃຫ້ແນມຕົວເອງເປັນເຫຍື່ອ ຈື່ຄຳນີ້ໄວ້

ຜູ້ທີ່ເດີນທາງໄກທີ່ສຸດຈະໄປເຖິງຈຸດໝາຍດ້ວຍຄວາມແຂງແກ່ງທີ່ຫຼາຍທີ່ສຸດ ຈົ່ງສູ້ຕໍ່ໄປຢ່າລົ້ມເລິກ

ເຮົາບໍ່ແມ່ນເຫຍື່ອ ມີເຫຍື່ອຕົວຈິງຕັ້ງຫຼາຍໃນໂລກນີ້ທີ່ຕ້ອງການຄວາມຊ່ວຍເຫຼືອເຮົາຄືຕົວເອກທີ່ກຳລັງພະຍາຍາມຮຽນຮູ້ ແລະ ເຮັດສິ່ງຕ່າງໆໃຫ້ດີຂຶ້ນ ເຮົາຄືຕົວເອກທີ່ກຳລັງປະຕິບັດພາລະກິດເພື່ອປ່ຽນແປງໂລກນີ້

ເບິ່ງຂໍ້ສະເໜີ (ແນະນຳ) ເປັນຂອງຂວັນ

ຕອນເຮົາເກີດມາ ຜູ້ຄົນຈະອ້ອມຮອບຕົວດ້ວຍຄວາມຕື່ນເຕັ້ນ ທຸກໆຄົນຢາກຈະອຸ້ມເຮົາ ອວຍພອນເຮົາ ແລະ ສະເຫຼີມສະຫຼອງທີ່ເຮົາມີຕົວຕົນຂຶ້ນມາ why? ເພາະບໍ່ມີສິ່ງໃດຄວນຄ່າກັບການໄດ້ຮັບຄວາມຮັກທີ່ບໍ່ມີເງື່ອນໄຂຫຼາຍໄປກວ່າເດັກນ້ອຍທີ່ຫາກໍເກີດໃໝ່

ຢ່າງໃດກໍຕາມ ເມື່ອເຮົາເຕີບໂຕຂຶ້ນ ຄວາມຄາດຫວັງໃນຕົວເຮົາກໍຫຼາຍຂຶ້ນ ເຮົາຖືກສອນໃຫ້ຮູ້ວ່າ ແມ່ນຫຍັງປອດໄພ ແລະ ແມ່ນຫຍັງອັນຕະລາຍ ແມ່ນຫຍັງເໝາະສົມ ແມ່ນຫຍັງບໍ່ເໝາະສົມ ຫຼັງຈາກນັ້ນກໍຖືກສອນວ່າ ແມ່ນຫຍັງຖືກສິນທຳ ແລະ ຂັດກັບຫຼັກສິນທຳ

ຜູ້ຄົນທີ່ມີຊື່ສຽງຫຼາຍຄົນໃນໂລກຈະຕັ້ງກິດຈະວັດຢ່າງໜຶ່ງຂຶ້ນມາເພື່ອທີ່ພວກເຂົາຈະໄດ້ຮັບຂໍ້ສະເໜີແນະນຳ ຫຼື ຄວາມຄິດເຫັນຈາກໝູ່ເພື່ອນໃນບ່ອນເຮັດວຽກຂອງພວກເຂົາ

ໃນການສ້າງວົງຈອນເພື່ອໃຫ້ໄດ້ຮັບຂໍ້ສະເໜີແນະນຳໃນຊີວິດລອງພິຈາລະນາໄອເດຍຕໍ່ໄປນີ້

1 ເລືອກຜູ້ຄົນທີ່ໃສ່ໃຈໃນຜົນປະໂຫຍດຂອງທ່ານຈາກໃຈແທ້

2 ນັດຊ່ວງເວລາມາພົບເຈີກັນເປັນປະຈຳເຊັ່ນ ທຸກໄຕມາສ ຫຼື ທຸກເດືອນ

3 ສ້າງຊຸດຄຳຖາມທີ່ຈະໃຊ້ເປັນກິດຈະວັດເຊັ່ນ

• ທ່ານເຄີຍເຫັນຂ້ອຍປະຕິບັດຕົວແນວໃດບໍ່ເປັນມືອາຊີບແດ່ບໍ່?
• ທ່ານສັງເກດເຫັນສິ່ງທີ່ຂ້ອຍຂາດຫາຍໄປ ຫຼື ບໍ່?
• ຂ້ອຍສາມາດເຮັດສິ່ງທີ່ກຳລັງເຮັດຢູ່ໃຫ້ດີຂຶ້ນໄດ້ແນວໃດ?

ຮູ້ວິທີຈັດການຄວາມຂັດແຍ້ງໄດ້ຢ່າງເໝາະສົມ

ຄົນທີ່ມັກຫຼີກຫຼ່ຽງຄວາມຂັດແຍ່ງຈະບໍ່ຄ່ອຍຖືກເລືອກໃຫ້ເປັນຜູ້ນຳ why? ເພາະວ່າຄວາມກ້າວໜ້າທຸກຢ່າງຂອງມະນຸດເກີດຂຶ້ນໄດ້ໂດຍຜ່ານຄວາມຂັດແຍ້ງ ທ່ານບໍ່ສາມາດປີນພູ ສ້າງຂົວ ກໍ່ຕັ້ງຊຸມຊົນ ຫຼື ສ້າງທຸລະກິດໃຫ້ເຕີບໂຕໂດຍປາສະຈາກການກ່ຽວຂ້ອງ ຫຼື ແກ້ໄຂບັນຫາເລື່ອງຄວາມຂັດແຍ້ງ

ແລ້ວເຮົາຈະຈັດການຄວາມຂັດແຍ້ງແນວໃດໃຫ້ເກີດຜົນດີຕໍ່ທັ້ງຕົວເຮົາເອງ ແລະ ຜູ້ຄົນຮອບໆຕົວເຮົາ

4 ເຕັກນິກຕໍ່ໄປນີ້ຈະຊ່ວຍຈັດການກັບຄວາມຂັດແຍ້ງເພື່ອໃຫ້ເກີດຜົນສຳເລັດໃນໜ້າທີ່ການງານຂອງພວກເຂົາໄດ້

1 ຄາດຫວັງເຖິງຄວາມຂັດແຍ້ງ

ຄວາມຂັດແຍ້ງເປັນພອນໄດ້ໂດຍທຳມະຊາດຈາກການເຮັດວຽກຮ່ວມກັນ ເມື່ອຜູ້ຄົນເຮັດວຽກດ້ວຍກັນ ບໍ່ວ່າຈະໃນດ້ານທຸລະກິດ ຫຼື ສັງຄົມ ມັນອາດຈະເກີດຄວາມຕຶງຄຽດໃນການຫາທາງອອກເປັນໄປແນວໃດ ຄວາມຂັດແຍ້ງບໍ່ແມ່ນເລື່ອງຜິດ ມັນຄືຜົນພອຍໄດ້ຂອງຄວາມກ້າວໜ້າ

2 ຄວບຄຸມອາລົມຂອງທ່ານ

ຄວາມຂັດແຍ້ງຈະລຸກລາມເມື່ອມີອາລົມາກ່ຽວຂ້ອງ ເມື່ອທ່ານຮູ້ສຶກຊັງຂີ້ໜ້າ ແລະ ຢາກຮ້າຍຄົນທີ່ທ່ານກຳລັງລົມນຳເທົ່າກັບທ່ານໄດ້ປິດການເຮັດວຽກຂອງສ່ວນທີ່ເປັນເຫດເປັນຜົນ ໃນສະໝອງທ່ານ ແລະ ມີແນວໂນ້ມທີ່ຈະເພີ່ມລະດັບຄວາມ drama ພະຍາຍາມເຮັດໃຈໃຫ້ເຢັນ ແລະ ມີເຫດຜົນເຂົ້າໄວ້ ເມື່ອໃດກໍຕາມທີ່ທ່ານພົບຄວາມຂັດແຍ້ງ

3 ມີຄວາມຄິດເຫັນສອດຄ້ອງກົງກັນກັບບຸກຄົນທີ່ທ່ານກຳລັງປະເຊີນໜ້າ

ເມື່ອຄົນເຮົາປະເຊີນໜ້າຄົນ ພວກເຂົາມັກຈະຮູ້ສຶກວ່າຖືກຄຸກຄາມຈາກລະດັບສະຖານະຂອງພວກເຂົາເຮັດໃຫ້ແນ່ໃຈວ່າຄຳເວົ້າຕ່າງໆນັ້ນຊ່ວຍຢືນຢັນ ແລະ ໃຫ້ຄວາມນັບຖືແມ້ແຕ່ໃນການປະເຊີນໜ້າກັນ

4 ຍອມຮັບວ່າທ່ານອາດຈະຜິດກໍໄດ້

ຄວາມຂັດແຍ້ງຈະຂະຫຍາຍຕົວຂຶ້ນຫາກແຕ່ລະຝ່າຍຍຶດຖືຄວາມຄິດເຫັນຂອງຕົນເອງຢ່າງສຸດໂຕ່ງ ຈື່ເອົາໄວ້ວ່າ ປະເດັນຂອງຄວາມຄັດແຍ້ງຄື ຄວາມກ້າວໜ້າບໍ່ແມ່ນການພິສູດວ່າທ່ານເປັນຝ່າຍຖືກ ຕັ້ງເປົ້າໝາຍວ່າຈະຂັບເຄື່ອນໄປໃນທາງທີ່ຖືກໂດຍຮ່ວມມືກັບໃຜກໍຕາມທີ່ທ່ານເວົ້ານຳ ກ່ຽວກັບຜົນດີສຳຫຼັບຕົວພວກເຂົາເອງ ແລະ ໜ້າທີ່ການງານຂອງພວກເຂົາ

ຢາກເປັນຄົນທີ່ເຊື່ອໃຈໄດ້ ແລະ ນັບຖືຫຼາຍກວ່າທີ່ຢາກຈະເປັນຄົນທີ່ທຸກຄົນມັກ

ສະມາຊິກໃນທີມຕ້ອງການຫຼາຍທີ່ສຸດຈາກຜູ້ນຳຄື “ຄວາມຈະແຈ້ງ”

3 ສິ່ງທີ່ທຸກຄົນນັບຖືໃນຕົວຜູ້ນຳດັ່ງນີ້

1 ຄວາມຄາດຫວັງທີ່ຈະແຈ້ງ

ຄວນໂຟກັສໄປທີ່ພາບໃຫຍ່ ເຮັດໃຫ້ຄົນໃນທີມຮູ້ວ່າບໍລິສັດ ຫຼື ແຜນກຳລັງໄປທາງໃດ ເປົ້າໝາຍໂດຍລວມຂອງທີມແມ່ນຫຍັງ? ຖ້າຖາມສະມາຊິກ ໃນທີມວ່າຫົວໜ້າຂອງເຂົາຄາດຫວັງຫຍັງຈາກພວກເຂົາແດ່? ພວກເຂົາຄວນຕອບໃຫ້ໄດ້

2 ໜ້າທີ່ຄວາມຮັບຜິດຊອບ

ບອກໃຫ້ພວກເຂົາຮູ້ ແລະ ຍ້ຳໃຫ້ພວກເຂົາເຮັດຕາມເມື່ອເວລາປະຊຸມປະຈຳວັນ

3 ລາງວັນສຳຫຼັບການເຮັດໄດ້ດີ

ເມື່ອຜ່ານຂໍ້ 1 – 2 ສິ່ງທີ່ທ່ານຕ້ອງການຈະຢືນຢັນວ່າທີມກຳລັງໄປໄດ້ດີ ລວມເຖິງສ້າງຄວາມທ້າທາຍ ແລະ ສະໜັບສະໜຸນພວກເຂົາໃຫ້ເຮັດວຽກເຕັມສັກກະຍາພາບ ຢ່າເຮັດໃຫ້ທີມຂອງທ່ານຢູ່ໃນທຸລະກິດທີ່ຕ້ອງເດົາໃຈເອົາເອງ

ມີແນວຄິດທີ່ເນັ້ນການລົງມືເຮັດ

Donald Miller ໄດ້ພົບເຫັນຄົນປະສົບຜົນສຳເລັດຫຼາຍຄົນ ພົບວ່າພວກເຂົາບໍ່ເຫັນຈະມີຄວາມສະຫຼາດຫຍັງເປັນພິເສດຫຼາຍກວ່າຄົນທົ່ວໄປເລີຍ ເວົ້າງ່າຍໆຄື ລະຫວ່າງທີ່ Donald Miller ລົມກັບພວກເຂົາຮັບຮູ້ໄດ້ວ່າພວກເຂົາບໍ່ໄດ້ເປັນຮອບຮູ້ໄປສະທຸກຢ່າງ ຫຼື ມີຄວາມຄິດສ້າງສັນຂະໜາດນັ້ນ ໃນລະຫວ່າງທີ່ສົງໄສພົບວ່າເປັນເພາະ “ພວກເຂົານັ້ນມີແນວຄິດທີ່ເນັ້ນການລົງມືເຮັດ”

ຢ່າເລືອກທີ່ຈະສັບສົນ

ຄັ້ງໜຶ່ງ Donald Miller ລົມກັບທີ່ປຶກສາວ່າຈະເອົາແນວໃດດີກັບພະນັກງານຄົນໜຶ່ງທີ່ເຮັດວຽກບໍ່ໄດ້ຕາມມາດຕະຖານມາເປັນປີແລ້ວ ທີ່ປຶກສາໄດ້ຕອບກັບມາວ່າ Donald ມັນເຖິງເວລາແລ້ວທີ່ຕ້ອງປ່ຽນແປງ Donald Miller ຮູ້ດີມາຕະຫຼອດວ່າມັນໝາຍເຖິງຫຍັງ? (ໄລ່ອອກ)

ຄົນທີ່ປະສົບຜົນສຳເລັດຈະບໍ່ອາໄສຢູ່ກັບຄວາມສັບສົນພວກເຂົາໃຊ້ຊີວິດໃນຄວາມຈະແຈ້ງ ແລະ ບໍ່ແມ່ນເພາະພວກເຂົາເບິ່ງໂລກໄດ້ຈະແຈ້ງ ລະຫວ່າງທີ່ພວກເຮົາເບິ່ງບໍ່ຈະແຈ້ງຄວາມຈິງຄືເຮົາທຸກຄົນເບິ່ງໂລກໄດ້ຄ້ອນຂ້າງຈະແຈ້ງເຮົາພຽງເລືອກທີ່ຈະສັບສົນ

Donald Miller ພົບວ່າມັນມັກຈະມາຈາກເຫດຜົນໜຶ່ງໃນ 3 ຂໍ້ນີ້ທີ່ເຮັດໃຫ້ເຮົາຫັນໄປຫາຄວາມສັບສົນ

1 ເປັນພວກມັກເຮັດໃຫ້ຄົນອື່ນພໍໃຈ

ເປັນຫ່ວງວ່າຄົນອື່ນຈະຍັງມັກຢູ່ ຫຼື ບໍ່ ຖ້າເຮັດຫຍັງທີ່ຮູ້ດີວ່າຕ້ອງເຮັດ (ປ່ຽນແປງ ຫຼື ໄລ່ອອກ)

2 ພວກເຂົາຈະເສຍໜ້າ

ເປັນຫ່ວງວ່າຄົນອື່ນ (ມັກຈະເປັນຄົນແປກໜ້າ) ຈະຄິດແນວໃດຖ້າເຮັດສິ່ງທີ່ຖືກຕ້ອງ

3 ຢ້ານ

ຢ້ານຜົນທີ່ຈະຕາມມາຖິ້ມໃນເລື່ອງການເງິນ ຫຼື ຈາກການເຮັດສິ່ງທີ່ຖືກຕ້ອງເໝາະສົມ

ຄຳຖາມທີ່ເຮົາຕ້ອງຖາມຕົວເອງສະເໝີເວລາຢູ່ໃນສະຖານະການທີ່ສັບສົນຄື ຖ້າເຮົາເປັນຄົນອື່ນເບິ່ງມາຍັງຊີວິດຂອງເຮົາຈາກພາຍນອກສິ່ງທີ່ເຫັນໄດ້ຊັດວ່າຕ້ອງລົງມືເຮັດຄືຫຍັງ?

ຄຳຕອບຂອງຄຳຖາມຂໍ້ນີ້ຈະເຜີຍໃຫ້ເຫັນວ່າແມ່ນຫຍັງຄວນເກີດຂຶ້ນຖ້າເຮົາບໍ່ຖືກຍື້ ໄວ້ດ້ວຍຄວາມສັບສົນ(ທີ່ເຮົາເລືອກເອງ)

ມີກອບຄວາມຄິດແບບເຕີບໂຕ

ການມີກອບຄວາມຄິດແບບເຕີບໂຕຄືການເຂົ້າໃຈວ່າເຮົາອາດບໍ່ໄດ້ໄປເຖິງຍອດພູ ແຕ່ເຮົາສາມາດປີນພູຕໍ່ໄປເລື່ອຍໆເພື່ອວິວທີ່ເຮົາແນມເຫັນຈະໄດ້ຢ່າງງົດງາມຍິ່ງໆຂຶ້ນໄປ

ຄຳແນະນຳການເບິ່ງໂລກທີ່ແຕກຕ່າງໃນ 5 ປະເພດ

1 ຄວາມທ້າທາຍ

ເຮົາຕ້ອງອ້າແຂນຕ້ອນຮັບຄວາມທ້າທາຍແທນທີ່ຈະຫຼີກໜີມັນ

2 ອຸປະສັກ

ເຮົາຕ້ອງອົດທົນຕໍ່ອຸປະສັກແທນທີ່ຈະຍອມແພ້

3 ຄວາມທຸ່ມເທ

ເຮົາຕ້ອງເຫັນວ່າຄວາມທຸ່ມເທເປັນເສັ້ນທາງສູ່ຄວາມຊຳນານແທນທີ່ຈະຄິດເຫັນວ່າມັນເປັນຄວາມພະຍາຍາມທີ່ສູນເປົ່າ

4 ຄຳວິຈານ

ເຮົາຕ້ອງຮຽນຮູ້ຈາກຄຳວິຈານແທນທີ່ຈະເມີນເສີຍຕໍ່ຄຳແນະນຳທີ່ເປັນປະໂຫຍດ

5 ຄວາມສຳເລັດຂອງຄົນອື່ນ

ເຮົາຕ້ອງຮູ້ສຶກມີແຮງບັນດານໃຈຈາກຄວາມສຳເລັດຂອງຄົນອື່ນແທນທີ່ຈະຮູ້ສຶກວ່າຖືກຂົ່ມຂູ່ ຫຼື ດູຖືກ

ເຮັດໃຫ້ຄວາມເປັນຜູ້ນຳນັ້ນເປັນເລື່ອງງ່າຍ

ການຂຽນພາລະກິດໜ້າທີ່ທີ່ດີ

ເມື່ອຮວບຮວມຄົນໃນທີມໃຫ້ເປັນໜຶ່ງດຽວ ແລະ ກະຕຸ້ນມີມຂອງທ່ານ ທ່ານຕ້ອງຮຽນຮູ້ການຂຽນພາລະກິດໜ້າທີ່ (Mission) ໃນຮູບແບບທີ່ກະຊັບ ໜ້າສົນໃຈ ແລະ ຈື່ໄດ້ງ່າຍ

ທຸລະກິດຂອງທ່ານຖືກສ້າງຂຶ້ນໄດ້ຈາກຜູ້ຄົນທີ່ຢາກມີສ່ວນຮ່ວມໃນພາລາກິດນັ້ນ

ສູດເພື່ອໃຫ້ທ່ານຂຽນພາລະກິດໜ້າທີ່ທີ່ດີ ແລະ ໄດ້ໃຈຄວາມ

ເຮົາຈະເຮັດ…………. ໃຫ້ປະສົບຜົນສຳເລັດພາຍໃນ………. ເພາະວ່າ ……….

ຕົວຢ່າງ

ບໍລິສັດລະບົບນ້ຳປະປາ ເຮົາຈະໃຫ້ບໍລິການລູກຄ້າໝື່ນລາຍພາຍໃນ 5 ປີ ທາງໜ້າເພາະວ່າທຸໆຄົນສົມຄວນໄດ້ໃຊ້ລະບົບນ້ຳປະປາທີ່ດີ ແລະ ບໍລິການທີ່ເຮັດໃຫ້ພວກເຂົາຮູ້ສຶກເປັນຄົນສຳຄັນ

ຄວາມຈິງຄື ຖ້າເຮົາ ຫຼື ສະມາຊິກໃນທີມບໍ່ສາມາດຈື່ພາລາກິດໜ້າທີ່ ແລະ ເວົ້າມັນອອກມາໄດ້ ສະແດງວ່າບໍ່ໄດ້ຢູ່ໃນພາລະກິດເລີຍ ເຮົາລືມພາລະກິດຂອງເຮົາໄປຮຽບຮ້ອຍ

ກຳນົດຄຸນສົມບັດຫຼັກ

ການກຳນົດຄຸນສົມບັດຫຼັກທີ່ທ່ານຕ້ອງພັດທະນາຕົວເອງຂຶ້ນໄປ ເພື່ອໃຫ້ພາລະກິດສຳເລັດລຸລ່ວງ ແລະ ທ່ານຈະປ່ຽນແປງທັ້ງຕົວທ່ານເອງ ແລະ ທີມຂອງທ່ານ

ຮ້ານອາຫານຈານດ່ວນແຫ່ງໜຶ່ງທຸກໆມື້ ພວກເຂົາຕ້ອນຮັບລູກຄ້າຕໍ່ແຖວຍາວເປັນ ຊົ່ວໂມງໆ ເພື່ອໃຫ້ໄດ້ກິນໄກ່ທອດຂອງຮ້ານໃນລະຫວ່າງຊື່ສຽງໂດ່ງດັງຂຶ້ນ ຄວາມທ້າທາຍຂອງພວກເຂົາຄື ການຮັກສາທັດສະນະຄະຕິທີ່ດີເອົາໄວ້ ທ່າມກາງແຮງກົດດັນມະຫາສານ

ດ້ວຍເຫດນີ້ເອງໜຶ່ງໃນຄຸນສົມບັດຫຼັກທີ່ພວກເຂົາກຳນົດໄວ້ກໍຄື ມ່ວນກັບຄວາມກົດດັນເພາະມັນເຕີມຈຸດປະສົງຂອງທັ້ງ 2 ຂໍ້ ດັ່ງນີ້

1 ຄວາມທະເຍີທະຢານ

ມັນເຮັດໃຫ້ທີມຮູ້ວ່າພວກເຂົາຈະຕ້ອງກາຍເປັນຄົນປະເພດໃດ ເພື່ອຈະເຮັດພາລະກິດໄດ້ສຳເລັດ

2 ໃຫ້ຄຳແນະນຳທີ່ເປັນປະໂຫຍດ

ມັນບອກທີມວ່າຄົນປະເພດໃດທີ່ພວກເຂົາຕ້ອງການເປັນ ເມື່ອຢູ່ໃນສະພາວະທີ່ກົດດັນ

ລະບຸສິ່ງທີ່ສຳຄັນທີ່ຕ້ອງເຮັດ

ລະບຸລາຍການສຳຄັນທີ່ເຮັດຊ້ຳໆໄດ້ 3 ຂໍ້ ເຊິ່ງທຸກຄົນໃນອົງກອນຂອງທ່ານລົງມືເຮັດໄດ້ ແລະ ມັນສອດຄ້ອງກັັບພາລະກິດທ່ານ

ສິ່ງທີ່ Donald Miller ເຮັດຊ້ຳໆຄືຕື່ນເຊົ້າມາຂຽນ ແລະ ເວົ້າຄຳວ່າ “ເຊີນທ່ານກ່ອນ” ມັນອາດຟັງຄືຕະລົກ ແຕ່ການຕື່ນເຊົ້ານັ້ນເຮັດໃຫ້ລາວນອນໄວ້ຂຶ້ນໃນຄືນກ່ອນໜ້າ ເພີ່ມໂອກາດທີ່ຈະອອກກຳລັງກາຍ ແລະ ຂຽນວຽກໄດ້ຫຼາຍຂຶ້ນ ແລະ ໄດ້ໃຊ້ເວລາຢູ່ງຽບໆ ໃນຕອນເຊົ້າ

ຖ້າ Donald Miller ຂຽນໜັງສືທຸກມື້ລາວໝັ່ນໃຈໄດ້ວ່າການງານ ແລະ ບໍລິສັດຂອງລາວຈະເຕີບໂຕຕໍ່ເນື່ອງ ແລະ ຖ້າລາວເວົ້າວ່າ “ເຊີນທ່ານກ່ອນ” ໃນການພົບເຫັນ ຫຼື ໄປໃສກັບຜູ້ຄົນລາວກໍແນ່ໃຈໄດ້ວ່າລາວຈະໃຫ້ກຽດຄົນອື່ນໆສະເໝີ

ລອງຄິດເບິ່ງວ່າກິດຈະກຳໃດແດ່ທີ່ມີຄວາມສຳຄັນ ແລະ ສາມາດເຮັດໄດ້ຕໍ່ເນື່ອງທີ່ຈະເຮັດໃຫ້ທ່ານ ແລະ ຄົນຂອງທ່ານໄປຮອດເປົ້າໝາຍ

ຫາກິດຈະກຳສຳຄັນ 3 ຢ່າງທີ່ທ່ານ ແລະ ທີມຂອງທ່ານລົງມືເຮັດໄດ້ທຸກມື້ ເຊິ່ງມັນຈະຊ່ວຍໃຫ້ໝັ້ນໃຈໄດ້ວ່າ ທ່ານຈະປະສົບຜົນສຳເລັດ ແລະ ບັນລຸພາລະກິດທີ່ຕັ້ງໄວ້

ເລົ່າເລື່ອງທີ່ໜ້າປະທັບໃຈ

• ວິທີດຶງດູດຜູ້ອື່ນໃຫ້ເຂົ້າມາຢູ່ໃນພາລະກິດຂອງທ່ານຜ່ານການເລົ່າເລື່ອງ

ຜູ້ຄົນ ແລະ ບໍລິສັດສ່ວນໃຫຍ່ບໍ່ຮູ້ຈະເລົ່າເລື່ອງຂອງຕົວເອງແນວໃດພວກເຂົາມັກຈະເຮັດຜິດພາດດ້ວຍການເລົ່າ “ປະຫວັດຄວາມເປັນມາ” ເລີ່ມດ້ວຍຫົວຂໍ້ຕ່າງໆທີ່ໜ້າເບື່ອ

ຢຸດເວົ້າເຖິງປະຫວັດຄວາມເປັນມາຂອງທ່ານ ແລະ ເລີ່ມຕົ້ນເລົ່າເລື່ອງຂອງທ່ານແທນ

ເວລາຈະເລົ່າເລື່ອງຂອງທ່ານໃຫ້ເຮັດສິ່ງເຫຼົ່ານີ້

1 ເລີ່ມຕົ້ນດ້ວຍບັນຫາທີ່ທ່ານ ຫຼື ບໍລິສັດຂອງທ່ານຊ່ວຍໃຫ້ຜູ້ຄົນຜ່ານພົ້ນໄປໄດ້

2 ປຸກບັນຫານັ້ນໃຫ້ເບິ່ງຮຸນແຮງຫຼາຍຫຍິ່ງຂຶ້ນ

3 ວາງຕຳແໜ່ງຕົວທ່ານ ບໍລິສັດຂອງທ່ານ ຜະລິດຕະພັນຂອງທ່ານເປັນທາງອອກຂອງປັນຫາເຫຼົ່ານີ້

4 ສະແດງໃຫ້ເຫັນຕອນຈົບທີ່ມີຄວາມສຸກທີ່ຜູ້ຄົນຈະໄດ້ຮັບ ຖ້າພວກເຂົາໃຫ້ຜະລິດຕະພັນຂອງທ່ານຈັດການປັນຫາຂອງພວກເຂົາ

ການເລົ່າເລື່ອງນັ້ນບໍ່ຍາກມັນພຽງແຕ່ຕ້ອງອາໄສຄວາມຮູ້ໜ້ອຍໜຶ່ງຈາກນັ້ນກໍລະບຽບວິໄນທີ່ຈະເຮັດໃນສິ່ງທີ່ເຮົາກ່າວອອກໄປ ( Stay on message )

ຕອບຄຳຖາມເຫຼົ່ານີ້ຮຽງຕາມລຳດັບຂອງທ່ານຈະໄດ້ເລົ່າເລື່ອງຂອງທ່ານເອງ ທຸລະກິດຂອງທ່ານ ໜ່ວຍງານຕ່າງໆຂອງທຸລະກິດ ຫຼື ຜະລິດຕະພັນຂອງຕົວທ່ານເອງໃນແນວທາງທີ່ຜູ້ຄົນຢາກຈະໃຫ້ຄວາມສົນໃຈ

• ທ່ານຮູ້ວິທີເລົ່າເລື່ອງສິນຄ້າ ຫຼື ທຸລະກິດຂອງທ່ານ ຫຼື ບໍ່?
• ບັນຫາຫຍັງທີ່ບໍລິສັດຂອງທ່ານຊ່ວຍກຳຈັດມັນໄດ້?
• ບັນຫານັ້ນຊ່ວຍໃຫ້ຄົນອື່ນໆຮູ້ສຶກແນວໃດ?
• ສິນຄ້າຂອງທ່ານຖືກວາງໃຫ້ເປັນແນວທາງແກ້ໄຂບັນຫາແນວໃດ?
• ເມື່ອບັນຫາໝົດໄປແລ້ວຊີວິດຂອງຜູ້ຄົນເປັນແນວໃດ?

ຄິດໃຈຄວາມສຳຄັນ ( Theme ) ແລະ ຫາ “Why” ຂອງທ່ານ

• ລະບຸໃຈຄວາມສຳຄັນໃນພາລະກິດຂອງທ່ານເພື່ອໃຫ້ທ່ານ ແລະ ຄົນໃນທີມຮູ້ວ່າເປັນຫຍັງວຽກຂອງທ່ານຈຶ່ງສຳຄັນ

ຕະຫຼອດຫຼາຍຮ້ອຍປີ ນັກຂຽນບົດລະຄອນ ນັກຂຽນນະວະນິຍາຍ ແລະ ຜູ້ຂຽນບົດຮູບເງົາ ຍຸກປັດຈຸບັນໄດ້ອະທິບາຍເຖິງໃຈຄວາມສຳຄັນໃນເລື່ອງລາວຂອງພວກເຂົາທີ່ນັກເລົ່າເລື່ອງຕ້ອງລະບຸໃຈຄວາມສຳຄັນແບບນີ້ ຫຼັກໆກໍເພື່ອບໍ່ໃຫ້ພວກເຂົາອອກນອກເລື່ອງເວລາທີ່ຂຽນບົດໄປເລື່ອຍໆ

ເຕັກນິກທີ່ຊ່ວຍໃຫ້ທ່ານຄິດໃຈຄວາມສຳຄັນອອກມາໄດ້ຄືການໃສ່ “ເພາະວ່າ” ຕໍ່ທ້າຍພາລະກິດໜ້າທີ່ (Mission) ຂອງທ່ານ ແລະ ເຮັດໃຫ້ປະໂຫຍດນັ້ນສົມບູນ

ຕົວຢ່າງປື້ມເຫຼັ່ມນີ້ ເຮັດທຸລະກິດໃຫ້ຮຽບງ່າຍແຕ່ໄດ້ກຳໄລງາມ ທີ່ໄດ້ສ້າງວິຊາທຸລະກິດທີ່ເຂົ້າເຖິງໄດ້ງ່າຍ ເພາະວ່າທຸກໆຄົນສົມຄວນໄດ້ຮຽນຮູ້ວິຊາທຸລະກິດທີ່ປ່ຽນຊີວິດໄດ້

ຖ້າທ່ານຖາມຕົວເອງວ່າເຫດຜົນໃດທ່ານຄວນຈະຕື່ນເຊົ້າ ແລະ ໄປເຮັດວຽກໃຈຄວາມສຳຄັນຂອງພາລະກິດທ່ານນີ້ລະທີ່ຈະຕອບຄຳຖາມນີ້

ຢ່າງທີ່ກ່າວໄປການຮູ້ວ່າໃຈຄວາມສຳຄັນຂອງທ່ານແມ່ນຫຍັງນັ້ນ ສຳຄັນເພາະມັນຄືປະໂຫຍກທອງທີ່ຈະຕອບຄຳຖາມວ່າ “Why”

• why ນັກລົງທຶນຈຶ່ງສົມຄວນລົງທຶນ?
• why ສາມາຊິກໃໝ່ຈຶ່ງສົມຄວນເຂົ້າມາ ແລະ ເຮັດວຽກໃຫ້ກັບທ່ານ?
• why ລູກຄ້າຈຶ່ງສົມຄວນບອກໝູ່ຂອງພວກເຂົາກ່ຽວກັບສິນຄ້າຂອງທ່ານ?

ນິຍາມໃຈຄວາມສຳຄັນອອກມາ ແລະ ຄຳຖາມເຫຼົ່ານັ້ນກໍຈະມີຄຳຕອບທີ່ເໝາະສົມ

ສ້າງຜະລິດຜົນໃຫ້ເປັນເລື່ອງງ່າຍ

ຕັດສິນໃຈຢ່າງສະຫຼາດທຸກໆເຊົ້າ

ທຸກເຊົ້າ Donald Miller ຖາມຕົວເອງດ້ວຍຄຳຖາມງ່າຍໆຂໍ້ໜຶ່ງຄຳຖາມນີ້ຊ່ວຍໃຫ້ບໍ່ປ່ອຍວັນນັ້ນຜ່ານໄປຢ່າງສູນເປົ່າ ແລະ ເຮັດໃຫ້ເປົ້າໝາຍຄືບໜ້າຫຼາຍຂຶ້ນ

ຄຳຖາມມີຢູ່ວ່າ “ຖ້ານີ້ຄືໂອກາດໃຊ້ຊີວິດໃນມື້ນີ້ເປັນຄັ້ງທີສອງ ຂ້ອຍຈະເຮັດຫຍັງທີ່ຕ່າງຈາກເດີມແດ່?“

ທີ່ຈິງແລ້ວຄຳຖາມນີ້ມາຈາກ ດຣ Viktor Frankl ເປັນນັກຈິດຕະວິທະຍາອີກຂໍ້ໜຶ່ງຄື Viktor Frankl ກ່າວວ່າ

ເຮັດຄືວ່ານີ້ຄືການໃຊ້ຊີວິດໃນມື້ນີ້ເປັນຄັ້ງທີສອງ ແລະ ຢ່າເຮັດຜິດພາດແບບເດີມອີກ

ການຢຸດພຽງຊົ່ວຄາວນີ້ຊ່ວຍໃຫ້ເຮົາໄຕ່ຕອງເຖິງຊີວິດຂອງເຮົາດ້ວຍລາຍລະອຽດຖີ້ຖ້ວນ ຖ້ານີ້ຄືຄັ້ງທີສອງທີ່ທ່ານຈະໃຊ້ຊີວິດໃນມື້ນີ້ ແລະ ທ່ານໄດ້ຮຽນຮູ້ຈາກຄັ້ງທຳອິດໄປແລ້ວ ທ່ານຈະເຮັດຫຍັງທີ່ຕ່າງຈາກເດີ່ມແດ່

• ທ່ານຈະໃສ່ໃຈຄູ່ຮັກຂອງທ່ານຫຼາຍກວ່າເກົ່າບໍ່?
• ທ່ານໃຊ້ເວລາອ່ານໜັງສືຢູ່ສະຖານທີ່ໃດໜຶ່ງ ຫຼື ສະໜາມຫຼັງບ້ານຂອງທ່ານດົນຂຶ້ນ ຫຼື ບໍ່?
• ທ່ານຈະອອກກຳລັງກາຍນຳບໍ່?

ອີກຂໍ້ໜຶ່ງຂອງ Viktor Frankl ຄື

ໃນຕອນທ້າຍຂອງມື້ ທ່ານຈະຮູ້ສຶກເສຍໃຈໄປກັບຫຍັງທີ່ທ່ານເຮັດ ຫຼື ບໍ່ໄດ້ເຮັດໃນມື້ນັ້ນ

ທ່ານມີຄຳຖາມຈັກຂໍ້ບໍ່? ທີ່ທ່ານຕອບມັນໄດ້ທຸກໆເຊົ້າທີ່ຕື່ນແລ້ວມັນຈະເຮັດໃຫ້ທ່ານໄດ້ຢຸດຄິດ ແລະ ທົບທວນຕົວເອງ? ທ່ານກຳລັງອອກແບບຊີວິດຂອງຕົວເອງ ຫຼື ມີຄົນກຳລັງອອກແບບມັນໃຫ້ກັບທ່ານ?

ຈັດລຳດັບຄວາມສຳຄັນກັບເລື່ອງຫຼັກໆທີ່ຕ້ອງເຮັດ

• ມືອາຊີບທີ່ຂັບເຄື່ອນດ້ວຍຄຸນຄ່າຮູ້ວິທີການຈັດລຳດັບຄວາມສຳຄັນກັບໂອກາດທີ່ໃຫ້ຜົນຕອບແທນສູງສຸດກັບພວກເຂົາ

ແມ່ນຫຍັງຄືເລື່ອງສຳຄັນອັນດັບໜຶ່ງທີ່ທ່ານເຮັດໄດ້ໃນມື້ນີ້?

ຖ້າທ່ານຕອບຄຳຖາມນີ້ໄດ້ໃນທຸກໆເຊົ້າທີ່ທ່ານຕື່ນຂຶ້ນມາມື້ແລ້ວມື້ເລົ່າທ່ານກໍຢູ່ໃນກຸ່ມມືອາຊີບທີ່ສຸດຍອດທີ່ສຸດເລີຍກໍວ່າໄດ້

ມືອາຊີບທີ່ຂັບເຄື່ອນດ້ວຍຄຸ່ນຄ່າຮູ້ວ່າຕ້ອງລົງທຶນພະລັງງານອັນທີຄ່າໄປກັບຫຍັງ ແລະ ວຽກໃດທີ່ຄວນຫຼີກຫຼ່ຽງ ຫຼື ມອບໃຫ້ຄົນອື່ນເຮັດແທນເພາະວ່າພວກເຂົາຮູ້ເລື່ອງນີ້ພວກເຂົາຈຶ່ງບໍ່ຮູ້ສຶກ ກັງວົນກັບວຽກຂອງຕົວເອງພວກເຂົາຄືຜູ້ຈັດການເວລາ ແລະ ພະລັງງານຂອງຕົວເອງໄດ້ຢ່າງດີ ແລະ ຮອບຄອບ

ເຄັດລັບທີ່ເຮັດໃຫ້ທ່ານຈົດຈໍ່ຢູ່ກັບໂອກາດທີ່ສາມາດສ້າງຜົນຕອບແທນໄດ້ສູງສຸດກ່ຽວຂ້ອງກັບການສ້າງລາຍການສິ່ງທີ່ຕ້ອງເຮັດ 2 ລາຍການແຕ່ລະມື້ ຕົວຢ່າງ ຮູບທີ (1.2 ແລະ 1.3) ລາຍການໜຶ່ງຂອງທ່ານຈະຈັດການເລື່ອງທີ່ຕ້ອງເຮັດໄດ້ພຽງ 3 ຢ່າງບໍ່ວ່າແມ່ນຫຍັງຈະເກີດຂຶ້ນ 3 ສິ່ງນີ້ຄືສິ່ງທີ່ທ່ານຄວນຈະເຮັດມັນໃຫ້ສຳເລັດກ່ອນ ເປັນທຳອິດ

ເຫດຜົນທີ່ທ່ານຄວນແບ່ງເປັນ 2 ລາຍການເພາະວ່າຄວາມຄິດຂອງທ່ານແຍກບໍ່ອອກຄວາມແຕກຕ່າງລະຫວ່າງເລື່ອງທີ່ສຳຄັນຫຼາຍກັບເລື່ອງອື່ນທີ່ຕ້ອງເຮັດໃຫ້ສຳເລັດ

ສາເຫດທີ່ເຮົາຕ້ອງການສິ່ງສຳຄັນ 3 ຢ່າງເພາະວ່າການຂຽນຫຼາຍກວ່າ 3 ເລື່ອງຈະເຮັດໃຫ້ຮູ້ສຶກວ່າເປັນພາລະ ແລະ ມີແນວໂນ້ມທີ່ທ່ານຈະຢາກລົ້ມເລີກກ່ອນຈະເລີ່ມສະອີກ

Donald Miller ສ່ວນໃຫຍ່ແລ້ວວຽກສຳຄັນສູງສຸດຈະເປັນວຽກສ່ວນນ້ອຍໆຂອງໂຄງການທີ່ໃຫຍ່ກວ່ານັ້ນຫຼາຍເຊັ່ນ Donald Miller ບອກວ່າຖ້າກຳລັງຂຽນໜັງສືມັນຕ້ອງໃຊ້ເວລາເປັນປີເພື່ອເຮັດໃຫ້ສຳເລັດ ດັ່ງນັ້ນຈຶ່ງຕ້ອງໃຊ້ຄວາມສຳຄັນກັບສ່ວນນ້ອຍໆຂອງໜັງສືເຫຼົ່ານີ້ທຸກມື້

ຖ້າເຮົາເຮັດວຽກທີ່ເປັນໂຄງການໃຫຍ່ຫຼາຍໆ ເຊິ່ງບໍ່ສາມາດເຮັດໃຫ້ແລ້ວໃນຊ່ວງເວລາສັ້ນໆໄດ້ ເຮົາຈະອ່ອນໄຫວເປັນພິເສດກັບໄຊຊະນະນ້ອຍໆ

ລະວັງໃຫ້ດີວຽກຫຼາກຫຼາຍຈະປາກົດຕົວໃຫ້ເຫັນວ່າເປັນເລື່ອງສຳຄັນທັ້ງໆທີ່ບໍ່ແມ່ນ ທີ່ເບິ່ງເປັນເລື່ອງເລັ່ງດ່ວນ ແຕ່ຄວາມຈິງແລ້ວມັນເປັນໜ້າທີ່ຂອງຄົນອື່ນທີ່ຕ້ອງຈັດການ ການປະຊຸມຄັ້ງນັ້ນ ມັນບໍ່ໄດ້ສອດຄ້ອງກັບວຽກທີ່ສຳຄັນທີ່ສູງສຸດຂອງທ່ານເລີຍແມ້ແຕ່ນ້ອຍ ແອດບໍ່ໄດ້ບອກວ່າຄວນປະຕິເສດແຕ່ໃຫ້ແຍກວິເຄາະໃຫ້ອອກວ່າ ເລື່ອງໃດຄວນເປັນເລື່ອງສຳຄັນ

ດັ່ງນັ້ນທຸກໆມື້ໃຫ້ທ່ານສ້າງລາຍການສິ່ງທີ່ຕ້ອງເຮັດຂຶ້ນມາສອງຊຸດຂຽນສິ່ງທີ່ສຳຄັນ 3 ຢ່າງທີ່ເປັນໂອກາດຈະໃຫ້ຜົນຕອບແທນສູງສູດຈາກນັ້ນສ້າງອີກລາຍການໜຶ່ງເພື່ອຂຽນວຽກຕ່າງໆທີ່ບໍ່ສຳຄັນເທົ່າກັບວຽກໃນ 3 ອັນດັບທຳອິດຂອງທ່ານ

ເຮັດໃຫ້ “ຊົ່ວໂມງລຸຍແຫຼກ” ຂອງທ່ານຄຸ້ມຄ່າ

ສະໝອງຂອງທຸກຄົນເຮັດວຽກແຕກຕ່າງກັນແດ່ ແຕ່ສຳຫຼັບຄົນສ່ວນໃຫຍ່ໂດຍສະເພາະຄົນທີ່ອາຍຸຫຼາຍກວ່າ 25 ປີ ວຽກທີ່ດີທີ່ສຸດຂອງພວກເຂົາຈະແລ້ວໄດ້ໃນຕອນເຊົ້າ

ພະລັງງານຄວາມຄິດຂອງທ່ານໃນຕອນເຊົ້າຈະແຂງແກ່ງ ແລະ ກະຕືລືລົ້ນຫຼາຍກວ່າພະລັງງານທີ່ທ່ານຈະມີຫຼັງຈາກກິນເຂົ້າທ່ຽງໄປແລ້ວ

ບາງຄົນກຳລັງທຸ່ມເທພະລັງທາງຄວາມຄິດອັນມີຄ່າໄປກັບ ໂອກາດທີ່ໃຫ້ຜົນຕອບແທນຕໍ່າເຊັ່ນ ເລີ່ມຕອບອີເມວທີ່ເຂົ້າມາໄປເລື່ອຍເປື່ອຍກ່ອນຈະເຮັດວຽກສຳຄັນທີ່ສຸດຂອງພວກເຂົາ

ເຮັດໃຫ້ພວກເຂົາສູນເສຍຊົ່ວໂມງເຮັດວຽກຊ່ວງສຳຄັນທີ່ສຸດໃນມື້ນັ້ນຂອງພວກເຂົາໄປເວລາຕໍ່ມາ ພວກເຂົາມີເວລາທີ່ຈະເຮັດວຽກສຳຄັນແທ້ໆສະໝອງກໍເມື່ອຍລ້າ ແລະ ບໍ່ສາມາດະເຮັດວຽກໄດ້ເຕັມຄວາມສາມາດຂອງພວກເຂົາສະແລ້ວ

ຈັດລຳດັບວຽກສຳຄັນສູງສຸດຂອງທ່ານໄວ້ເຮັດຕອນເຊົ້ານັ້ນເປັນຊ່ວງທີ່ສະໝອງຂອງທ່ານສົດຊື່ນ

ເວົ້າຄຳວ່າ “ບໍ່” ກັບສິ່ງລົບກວນຕ່າງໆ

ຮູ້ຈັກປະຕິເສດສິ່ງລົບກວນເພື່ອພວກເຂົາໄດ້ມຸ່ງໝັ່ນເຮັດເລື່ອງສຳຄັນສູງສຸດ

ບົດຮຽນທີ່ດີທີ່ສຸດທີ່ Donald Miller ຮຽນຮູ້ກ່ຽວກັບການສ້າງບໍລິສັດແທ້ຈິງແລ້ວມາຈາກການເຮັດວຽກເປັນນັກຂຽນຂອງລາວ ຄຳແນະນຳນັ້ນຄື ນັກຂຽນສື່ສານຊັ້ນຍອດຮູ້ວ່າຕ້ອງຕັດຫຍັງອອກໄປ

ທ່ານຄິດວ່ານັກສື່ສານເກັ່ງໆໜ້າຈະຮູ້ວ່າຕ້ອງເວົ້າຫຍັງແດ່ ແນ່ນອນພວກເຂົາຮູ້ແຕ່ສ່ວນທີ່ຍາກກວ່ານັ້ນຄືເມື່ອພວກເຂົາເວົ້າສິ່ງທີ່ແມ່ນອອກມາແລ້ວພວກເຂົາຈະຕ້ອງຢຸດຕົວເອງບໍ່ໃຫ້ເວົ້າຫຍັງນອກເໜືອຈາກນັ້ນ

ແນ່ນອນວ່າໃນຊີວິດແທ້ມັນບໍ່ໄດ້ງ່າຍຂະໜາດນັ້ນ

ໃນຊ່ວງເລີ່ມຕົ້ນຂອງການເຮັດວຽກຂອງ Donald Miller ລາວຫາລາຍໄດ້ຈາກການເວົ້າຕໍ່ໜ້າຊຸມຊົນໄດ້ຮັບຄ່າຈ້າງຈຳນວນພໍສົມຄວນ

ທຸກໆຄັ້ງທີ່ລາວບິນໄປເວົ້າບ່ອນໃດບ່ອນໜຶ່ງບໍ່ເທົ່າໃດລາວກໍຮູ້ສືກວ່າຕົວເອງອອກໄປເວົ້າຫຼາຍເທົ່າໃດກໍຍິ່ງຂຽນໄດ້ໜ້ອຍລົງ ແລະ ລາວບໍ່ໄດ້ອອກປື້ມໃໝ່ທຸກໆ 2-3 ປີ

ຄົນອື່ນໆ ຈະນຶກເຖິງລາວໜ້ອຍລົງເວລາທີ່ລາວຖືກເລືອກໃຫ້ອອກໄປເປັນບັນຍາຍໃນງານ

Donald Miller ຕ້ອງຕັດສິນໃຈຄັ້ງສຳຄັນໃນການຢຸດຮັບງານທີ່ໃຫ້ເງິນດີ ເພື່ອຈະໄດ້ມີເວລາຢູ່ເຮືອນ ແລະ ຂຽນໜັງສືໄດ້ຫຼາຍຂຶ້ນ ນັ້ນເປັນທາງເລືອກທີ່ໜ້າສະເທືອນ

ແຕ່ນັ້ນເປັນສິ່ງທີ່ລາວເຮັດພາຍໃນ2 ປີຫຼັງຈາກນັ້ນ ລາວກໍມີປື້ມຂາຍດີອີກເຫຼັ່ມໜຶ່ງ ແລະ ເຮັດໃຫ້ລາວສາມາດຄິດຄ່າຕົວໄດ້ຫຼາຍກວ່າເກົ່າເຖິງ 4 ເທົ່າເມື່ອປຽບທຽບກັບການເວົ້າໃນຊ່ວງທຳອິດຜົນລັບກໍຄືລາວມີເວລາຢູ່ເຮືອນຫຼາຍຂຶ້ນໃຊ້ເວລາເທິງເວທີໜ້ອຍລົງແຕ່ມີລາຍໄດ້ຫຼາຍກວ່າເກົ່າ

ເຮົາຈະເຮັດແນວໃດໃຫ້ເຮັດວຽກໜ້ອຍລົງແຕ່ສ້າງກຳລັງໄດ້ຫຼາຍຂຶ້ນ?

ກຳນົດເວລາຂອງທ່ານໄວ້ ແລະ ເຮັດວຽກໃຫ້ໄດ້ຫຼາຍຂຶ້ນ

Bill Gates ບໍ່ເຄີຍເຂົ້າປະຊຸມຊ້າ( Late ) ຈັກເທື່ອເມື່ອມີຄົນຖາມວ່າ why? ລາວຕອບວ່າ “ເພາະເວລາເປັນຊັບພະຍາກອນທີ່ມີຈຳກັດ ແລະ ຂ້ອຍບໍ່ສາມາດຊື້ມັນເພີ່ມໄດ້”

ສຳນວນເກົ່າທີ່ບອກວ່າ “ເວລາເປັນເງິນເປັນທອງ” ບໍ່ຖືກຕ້ອງເທົ່າໃດ ເວລານັ້ນມີຄ່າຫຼາຍກວ່າເງິນທອງ ເວລາຄວາມຈິງຄືຊີວິດ ແລະ ການທີ່ເຮົາເຮັດຫຍັງກັບເວລາຂອງເຮົາຈະຕັດສິນຄຸນນະພາບຂອງຊີວິດເຮົາ

ຫຼັງຈາກກິດຈະກຳການທົບທວນໃນຕອນເຊົ້າ ແລະ ສ້າງພັນທະສັນຍາຕໍ່ສິ່ງສຳຄັນສູງສຸດຂອງທ່ານແລ້ວໃຫ້ທ່ານກຳນົດເວລາສຳຄັນຊ່ວງທີ່ເຫຼືອຂອງມື້ນັ້ນເປັນກຸ່ມກ້ອນໄດ້ແກ່ 1, 2,​ແລະ 3 ຊົ່ວໂມງທີ່ທ່ານຈະສາມາດລົງມືເຮັດໃຫ້ແລ້ວ

ສຳລັບ Donald Miller

ວັນຈັນຕະຫຼອດທັ້ງມື້ ແລະ ວັນອັງຄານກັບວັນພຸດເຊົ້າເຖິງທ່ຽງ ລາວຈະເກັບໄວ້ສຳຫຼັບວຽກຂຽນ ໃນຊ່ວງບ່າຍວັນອັງຄານ ແລະ ວັນພຸດໄວ້ສຳຫຼັບປະຊຸມ ແລະ ວັນພະຫັດກັບວັນສຸກອີກເຄິ່ງມື້ສຳຫຼັບພອດແຄສ ແລະ ອັດວີດີໂອ ລາວຍັງລ໋ອກເວລາຊ່ວງບ່າຍວັນສຸກເປັນເວລາຂອງຕົວເອງສ່ວນວັນສຸກຊ່ວງແລງ ແລະ ວັນຢຸດເສົາ-ອາທິດສຳຫຼັບໝູ່ ແລະ ຄອບຄົວ

ແນວຄິດຄືການສ້າງຈັງຫວະຂອງການເກີດຜົນຜະລິດ ເມື່ອທ່ານຮູ້ແລ້ວວ່າໂອກາດທີ່ຈະສ້າງຜົນຕອບຕອບແທນສູງສູຸດຂອງທ່ານຄືຫຍັງແດ່? ທ່ານສາມາດລ໋ອກອາທິດຂອງທ່ານໄວ້ເປັນກຸ່ມກ້ອນເພື່ອໃຫ້ທ່ານໄດ້ເຮັດສິ່ງເຫຼົ່ານັ້ນຈົນສຳເລັດ

ເຮັດໃຫ້ກົນລະຍຸດທຸລະກິດເປັນເລື່ອງງ່າຍ

ເຂົ້າໃຈວ່າທຸລະກິດເຮັດວຽກແນວໃດໂດຍແທ້

ທ່ານຮູ້ໄດ້ແນວໃດວ່າທຸລະກິດກຳລັງຈະໄປໄດ້ງາມ ຫຼື ວ່າຕ້ອງລົ້ມກາງທາງ ການຕອບຄຳຖາມນີ້ໄດ້ສິ່ງທຳອິດຄື ທ່ານຕ້ອງເຂົ້າໃຈໃນສາດການບິນ (Dynamics of Flight) ກ່ອນ ຕົວຢ່າງຮູບ 1.6

ໂດຍປົກກະຕິທົ່ວໄປແລ້ວທຸລະກິດໜຶ່ງຈະເຮັດວຽກຄ້າຍໆ ຄືກັບເຄື່ອງຍົນເຊີງພານິດ

Donald Miller ສະແດງການປຽບທຽບໃຫ້ເຫັນ 5 ສ່ວນປະກອບເຊິ່ງມັນເຮັດວຽກຮ່ວມກັນເພື່ອຊ່ວຍໃຫ້ຍົນບິນຂຶ້ນໄດ້

1 ສ່ວນລຳຕົວ: ຄ່າໃຊ້ຈ່າຍໃນການດຳເນີນທຸລະກິດ

ສ່ວນລຳຕົວຂອງຍົນເປັນບ່ອນຂອງທ່ານ ແລະ ສິນຄ້ານີ້ແມ່ນສ່ວນທີ່ໃຫຍ່ທີ່ສຸດຂອງຍົນ

ສ່ວນລຳຕົວຂອງຍົນເປັນຕົວແທນຄ່າໃຊ້ຈ່າຍການດຳເນີນວຽກຂອງທ່ານຄ່າໃຊ້ຈ່າຍນີ້ຄອບຄຸມເຖິງເງິນເດືອນພະນັກງານ, ສະຫວັດດີການດ້ານສຸຂະພາບ, ຄ່າເຊົ່າ,​ ອຸປະກອນສຳນັກງານ ແລະ ອີກຫຼາກຫຼາຍ

2 ສ່ວນປີກ: ສິນຄ່າ ແລະ ບໍລິການ

ສິນຄ້າ ແລະ ບໍລິການຂອງທ່ານຄືສິ່ງຈະອຸ້ມຊູທຸລະກິດຂຶ້ນມາ ປີກຍົນນັ້ນຄືຕົວແທນທຸກສິ່ງທີ່ທ່ານຂາຍ ລອງນຶກພາບວ່າສິນຄ້າທີ່ທ່ານຂາຍເປັນສ່ວນຂອງຍົນທີ່ເຮັດໃຫ້ຍົນລອຍຂຶ້ນໄປໄດ້

ຖ້າຫາກບໍ່ມີສິນຄ້າທີ່ເຮັດກຳໄລໄດ້ມາຂາຍກໍບໍ່ມີອາກາດ (ລາຍໄດ້) ທີ່ຈະຊ່ວຍຍົກຍົນໃຫ້ລອຍຂຶ້ນຈາກພື້ນ

3 ເຄື່ອງຈັກເບື້ອງຂວາ: ການຕະຫຼາດ

ເຄື່ອງຈັກຈະຜັກໃຫ້ຍົນພຸ່ງໄປທາງໜ້າ ຖ້າເປັນຍົນແບບເຄື່ອງຈັກດຽວ ທ່ານໜ້າຈະມີພຽງງົບປະມານເຮັດການຕະຫຼາດ ແຕ່ສຳຫຼັບຍົນແບບເຄື່ອງຈັກຄູ່ທ່ານຈະມີທັ້ງງົບປະມານເຮັດການຕະຫຼາດ ແລະ ທີມຂາຍ

ຖ້າທ່ານບໍ່ມີເຄື່ອງຈັກໃດໆເລີຍທີ່ຄອຍຂາຍສິນຄ້າ ແລະ ຜັກດັນໃຫ້ຍົນເດີນໜ້າໄປປີກກໍບໍ່ສາມາດຍົກຕົວຂຶ້ນໄດ້ລະບົບການຕະຫຼາດບາງຢ່າງ ຫຼື ທີມຂາຍຈຳເປັນຕ້ອງຊ່ວຍດັນທຸລະກິດໃຫ້ໄປທາງໜ້າ ແລະ ຂາຍສິນຄ້າເຫຼົ່ານັ້ນ

4 ເຄື່ອງຈັກເບື້ອງຊ້າຍ: ພະນັກງານຂາຍ

ຄວາມຈິງຄືຍົນແບບເຄື່ອງຈັກຄູ່ສາມາດບິນໄດ້ດ້ວຍເຄື່ອງຈັກພຽງເຄື່ອງດຽວແຕ່ຖ້າທ່ານມີເຄື່ອງຈັກທີ່ສອງຂຶ້ນມານຳຍົນຈະພຸ່ງໄປໄດ້ແຮງ ແລະ ຍົກຕົວສູງຂຶ້ນ ມັນຈະບິນໄດ້ໄວ ແລະ ໄກກວ່າເກົ່າ

ສ່ວນລຳຕົວຂອງເຄື່ອງກໍສາມາດມີຂະໜາດໃຫຍ່ທີ່ຂື້ນໄດ້ຄື ຈ້າງພະນັກງານໄດ້ຫຼາຍຂຶ້ນເພື່ອຈະແກ້ໄຂບັນຫາຂອງລູກຄ້າໄດ້ຫຼາຍກວ່າເກົ່າ

ເຄື່ອງຈັກທີສອງຂອງທ່ານຄືຄວາມພະຍາຍາມໃນການຂາຍ (sales effort) ທີມພະນັກງານຂາຍຂອງທ່ານຈະນຳລາຍໄດ້ທີ່ຫຼາຍຂຶ້ນເຂົ້າມາ ເຊິ່ງເຮັດໃຫ້ທຸລະກິດສາມາດເຕີບໂຕ ແລະ ພຸ່ງທະຍານຂຶ້ນໄປໄດ້

5 ນ້ຳມັນ: ເງິນທຶນ ແລະ ກະແສເງິນສົດ

ສຸດທ້າຍນີ້ຍົນຕ້ອງການນ້ຳມັນບໍ່ວ່າຍົນຈະມີຄຸນນະພາບພຽງໃດ ຫຼື ຈະມີນ້ຳໜັກເບົາພຽງໃດ ຖ້າຫາກບໍ່ມີນ້ຳມັນຍົນກໍຈະຕົກລົງມານ້ຳມັນເປັນຕົວແທນຂອງກະແສເງິນສົດທຸລະກິດອາດຈະເດີນຕໍ່ໄປໄດ້ໃນຊ່ວງໜຶ່ງ

ເມື່ອເງິນສົດໝົດລົງ ແຕ່ສຸດທ້າຍມັນຈະຕົກລົງມາ ແລະ ທຸກໆຄົນທີ່ຢູ່ໃນສ່ວນລຳຕົວຂອງທຸລະກິດຈະເສຍຫາຍຄວາມເປັນຢູ່ຂອງພວກເຂົາ (Livelihoods)

ເຮັດໃຫ້ຄ່າໃຊ້ຈ່າຍຈຳເປັນໜ້ອຍເຂົ້າໄວ້

ສ່ວນລຳຕົວ: ເຮັດໃຫ້ຄ່າໃຊ້ຈ່າຍໜ້ອຍທີ່ສຸດເທົ່າທີ່ຈະເຮັດໄດ້

ເມື່ອທຸລະກິດໃດລົ້ມລົງມັນລົ້ມມາຈາກຈາກເຫດຜົນຫຼັກຄື ຄ່າໃຊ້ຈ່າຍສູງເກີນກວ່າທີ່ຍອດຂາຍຈະຄວບຄຸມໄດ້ ຫຼື ເອີ້ນອີກຢ່າງໄດ້ວ່າທັ້ງສອງຂອງຍົນມີກຳລັງບໍ່ພໍ ແລະ ປີກກໍມີຂະໜາດນ້ອຍເກີນໄປທີ່ຈະສ້າງແຮງຍົກໃຫ້ກັບລຳຕົວທີ່ໃຫຍ່ໂຕມະໂຫລານ

ວ່າແຕ່ຄ່າໃຊ້ຈ່າຍ (overhead) ມັນຄືຫຍັງລະ?

ນິຍາມທີ່ເຂົ້າໃຈງ່າຍທີ່ສຸດຂອງ Donald Miller ກໍຄືຄ່າໃຊ້ຈ່າຍຄືຄ່າຫຍັງກໍຕາມສຳຫຼັບການດຳເນີນທຸລະກິດທີ່ບໍ່ກ່ຽວກັບການອອກແບບສິນຄ້າການຕະຫຼາດ ຫຼື ການຂາຍ

ເຮົາຄວນຈະຕ້ອງພິຈາລະນາຄ່າໃຊ້ຈ່າຍຕ່າງໆໃຫ້ດີ ເວັ້ນແຕ່ວ່າເງິນນັ້ນຈະຖືກຈ່າຍອອກໄປດ້ວຍຄວາມພະຍາຍາມທີ່ຈະສ້າງເງິນໃຫ້ຫຼາຍຂຶ້ນນີ້ຄື key ໃນການຄວບຄຸມດູແລໃຊ້ຈ່າຍ

ບໍ່ຕ້ອງບອກກໍຮູ້ຖ້າຄ່າໃຊ້ຈ່າຍຂອງທ່ານ (ລຳຕົວຍົນ) ໃຫຍ່ ແລະ ໜັກແຕ່ສິນຄ້າທີ່ທ່ານມີຂາຍຂ້ອນຂ້າງຈຳກັດ (ປີກມີຂະໜາດນ້ອຍໄປ) ແລະ ຄວາມພະຍາຍາມທາງການຕະຫຼາດກັບການຂາຍຂອງທ່ານກໍບໍ່ແຂງແກ່ງພໍ (ເຄື່ອງຈັກກຳລັງຕ່ຳ)ຍົນກໍໄປບໍ່ລອດ

ສິ່ງທີ່ນັກທຸລະກິດຝືມີດີຈັດການເພື່ອຈະເຮັດໃຫ້ທຸລະກິດມີຄຸນນະພາບຄ່ອງຕົວ ແລະ ປອດໄພ

1 ເວລານັ້ນມີລາຄາແພງຖ້າເຮົາບໍ່ໄດ້ຄຳນວນໃຫ້ດີວ່າຄົນຂອງເຮົາຕ້ອງໃຊ້ເວລາເທົ່າໃດໃນການອອກສິນຄ້າໃໝ່ເຮົາກຳລັງເຮັດໃຫ້ທຸລະກິດມີຄວາມສ່ຽງ

2 ເງິນເດືອນພະນັກງານມັກເປັນຄ່າໃຊ້ຈ່າຍກ້ອນໃຫຍ່ທີ່ສຸດ ເຮົາຈຳເປັນຕ້ອງຮູ້ລ່ວງໜ້າວ່າຄ່າໃຊ້ຈ່າຍກ້ອນນີ້ຈະເພີ່ມຂຶ້ນອີກເທົ່າໃດຈາກການອອກສິນຄ້າຕົວນັ້ນບໍ່ພຽງເທົ່ານັ້ນເຮົາຍັງຕ້ອງຮູ້ດ້ວຍວ່າເງິນເດືອນພະນັກງານຖືກແບ່ງສັດສ່ວນໄປເປັນການສ້າງສັນຜະລິດຕະພັນການຂາຍ ແລະ ການຕະຫຼາດຫຼາຍເທົ່າໃດທຽບກັບວຽກທຸລະກິດພາຍໃນ

3 ຖ້າເຮົາເຮັດໃຫ້ປີກຂອງຍົນໃຫຍ່ຂຶ້ນລຳຕົວເຄື່ອງຈຳເປັນຕ້ອງຂະຫຍາຍຂຶ້ນອີກເທົ່າໃດເພື່ອຈະສະໜັບສະໜຸນປີກທັ້ງສອງນັ້ນ

4 ຖ້າເຮົາຢາກໃຫ້ຍົນປອດໄພ ແລະ ສະບາຍໃຈໄດ້ເຮົາຕ້ອງເພີ່ມປະສິດສິພາບ ແລະ ແຮງດັນຂອງເຄື່ອງຈັກ ເພີ່ມຂະໜາດ ແລະ ຄວາມແຂງແຮງຂອງປີກ ແລະ ຫຼຸດນໍ້າໜັກສ່ວນລຳຕົວຂອງເຄື່ອງ ຫຼື ຈະເວົ້າໄດ້ວ່າ ເຮົາຕ້ອງເພີ່ມຄຸນນະພາບໃນທຸກໆດ້ານສະເໝີ

ເຮັດໃຫ້ຄ່າໃຊ້ຈ່າຍໜ້ອຍທີ່ສຸດເພື່ອຈະສ້າງທຸລະກິດທີ່ໝັ່ນຄົງ ແລະ ເຕີບໂຕໂດຍແບ່ງປະເພດຂອງຄ່າໃຊ້ຈ່າຍອອກເປັນ 4 ປະເພດໃຫຍ່ໆໄດ້ແກ່ ອອກແບບຜະລິດຕະພັນ, ການຂາຍ, ການຕະຫຼາດ ແລະ ຄ່າໃຊ້ຈ່າຍຈຳເປັນ

ສ້າງ ແລະ ຂາຍຜະລິດຕະພັນທີ່ຕອບໂຈດກັບລູກຄ້າ

• ປີກທັ້ງສອງເບື້ອງ

ເວລາເຮົາສຶກສາເລືອກສິນຄ້າທ່ານຕ້ອງເລືອກລັກສະນະສຳຄັນ 2 ແບບດັ່ງນີ້

1 ສິນຄ້ານັ້ນຄ່ອງຕົວ (ເບົາ)

ພວກມັນສາມາດຂາຍໄດ້ດ້ວຍກຳໄລທີ່ເໝາະສົມ ຫຼື ກຳໄລເລັກນ້ອຍ ແຕ່ມີປະລິມານການຂາຍທີ່ຫຼາຍ

2 ສິນຄ້ານັ້ນແຂງແກ່ງ

ມີຄວາມຕ້ອງການຢ່າງຫຼາຍຕໍ່ສິນຄ້າໂຕນີ້ໃນຕະຫຼາດ

ລອງວິເຄາະຜະລິດຕະພັນທີ່ທ່ານກຳລັງຂາຍຢູ່ສິນຄ້າເຫຼົ່ານັ້ນແຂງແກ່ງ ແລະ ມີຄວາມເບົາ ຫຼື ບໍ່? ມີຄວາມຕ້ອງການເຄື່ອງພວກນີ້ບໍ່? ພວກມັນເຮັດກຳໄລໄດ້ ຫຼື ບໍ່?

ຖ້າບໍ່ໃຫ້ປັບປ່ຽນຮູບແບບການຂາຍສິນຄ້າໂຕນັ້ນ ເພື່ອທ່ານຈະໄດ້ບໍ່ຕ້ອງເສຍຄ່າໃຊ້ຈ່າຍອັນມີຄ່າ ຫຼື ພະລັງງານ ເພື່ອຜັກດັນສິນຄ້ານັ້ນໄປຢ່າງສູນເປົ່າ ເຊິ່ງມັນບໍ່ໄດ້ຊ່ວຍໃນການຍົກຕົວຍົນຂອງທ່ານ

ໃຫ້ຄວາມສຳຄັນກັບການຕະຫຼາດ

• ເຄື່ອງຈັກເບື້ອງຂວາ ຫຼື ການຕະຫຼາດ

ທົດສອບວິທີທີ່ທ່ານຈະໃຊ້ເຮັດການຕະຫຼາດໃຫ້ສິນຄ້າ

Donald Miller ເວົ້າວ່າເຮັດໃຫ້ຂ້ອຍສ້າງເວັບໄຊຂຶ້ນເບິ່ງຄືວ່າເຮົາມີສິນຄ້າຊະນິດນັ້ນຢູ່ແທ້ໆ ແລະ ສຳຫຼວດຄວາມສົນໃຈຂອງຜູ້ທີ່ອາດກາຍເປັນລູກຄ້າແທນທີ່ຈະໃຊ້ປຸ່ມທີ່ຂຽນຄຳວ່າ “ຊື້ຕອນນີ້” ຂ້ອຍຈະໃຊ້ຄຳວ່າ “ລົງຊື້ຈອງຄິວ” ເພື່ອເບິ່ງວ່າມີຈັກຄົນທີ່ຄິກປຸ່ມດັ່ງກ່າວ

ການສ້າງຕົວຊ່ວຍສົ່ງເສີມການຕະຫຼາດກ່ອນທີ່ສິນຄ້ານັ້ນຈະມີຕົວຕົນແທ້ ເຮັດໜ້າທີ 2 ຢ່າງນີ້

1 ຊ່ວຍທ່ານໄຕ່ຕອງ ຫຼື ວິເຄາະ ພາສາທີ່ຈະໃຊ້ເຮັດການຕະຫຼາດຂອງທ່ານ

ການສ້າງເວັບໄຊ (sales page ເວັບໄຊແບບໜ້າດຽວທີ່ໃຊ້ສະແດງລາຍລະອຽດສິິນຄ້າ ແລະ ມີປຸ່ມໃຫ້ກົດເພື່ອໄປສູ່ຂັ້ນຕອນຕໍ່ໄປເຊັ່ນຊື່ສິນຄ້າ,​ ຕິດຕໍ່ຮ້ານຄ້າ ) ຂອງສິນຄ້າຊ່ວຍໃຫ້ທ່ານໄດ້ລອງຄິດ ແລະ ເບິ່ງການຕອບຮັບຂອງຖ້ອຍຄຳທີ່ຈະດຶງດູດຄວາມສົນໃຈລູກຄ້າ

2 ຢືນຢັນຄວາມສົນໃຈຂອງຜູ້ບໍລິໂພກ

ເມື່ອທ່ານໄຕ່ຕອງ ຫຼື ວິເຄາະພາສາການຕະຫຼາດຂອງທ່ານຈົນເໝາະສົມແລ້ວທ່ານສາມາດປ່ອຍໜ້າ page ນັ້ນໄປສູ່ສາທາລະນະ ຫຼື ກຸ່ມລູກຄ້າທີ່ທ່ານເລືອກສຳຫຼັບສັ່ງຊື້ລ່ວງໜ້າ ການເກັບຈຳນວນຄຳສັ່ງຊື້ລ່ວງໜ້າຖືເປັນທາງທີ່ດີໃນການສ້າງຄວາມຕື່ນເຕັ້ນໃຫ້ກັບສິນຄ້າ ແລະ ເຮັດໃຫ້ຮູ້ວ່າຜູ້ຄົນສົນໃຈສິນຄ້າໂຕນີ້

ດູແລລະບົບການຂາຍ

• ເຄື່ອງຈັກເບື້ອງຊ້າຍ ຫຼື ການຂາຍ

ສ້າງແນວທາງທີ່ລູກຄ້າຈະເຮັດຕາມເພື່ອຊື້ສິນຄ້າອອກມາເທື່ອລະຂັ້ນ ແລະ ຄອຍກວດສອບຄວາມຄືບໜ້າເຄື່ອງ (ສິນຄ້າ) ວ່າທີ່ລູກຄ້າທຸກລາຍ

ເພື່ອໃຫ້ເຄື່ອງຈັກ (ການຂາຍ) ໃນທຸລະກິດຂອງເຮົາສ້າງແຮງຜັກດັນໄດ້ເຮົາຈຳເປັນຕ້ອງມີໂຄງສ້າງ ແລະ ລະບົບຂອງງານຂາຍ

ມັນບໍ່ພໍຖ້າທ່ານພຽງແຕ່ຈະຈ້າງພະນັກງານຂາຍເຂົ້າມາ ແລະ ປ່ອຍໃຫ້ພວກເຂົາເຮັດຕາມໃຈມັກ ພະນັກງານຂາຍກໍຕ້ອງການສ້າງທາງໃນການຮັບມື ລູກຄ້າ ແລະ ຄວາມຮັບຜິດຊອບອື່ນໆ ຖ້າພວກເຂົາສາມາດເຮັດມັນໄດ້ດີ

• ເສັ້ນທາງເທື່ອລະຂັ້ນຕອນ:

ພະນັກງານຂາຍທຸກທີມຈຳເປັນຕ້ອງມີຊຸດຂັ້ນຕອນໃນການພາວ່າທີ່ລູກຄ້າຜູ້ມີສັກກະຍາພາບໄປໃນເທື່ອລະຂັ້ນ ເພື່ອໃຫ້ໄປຮອດການປິດການຂາຍຊຸດຂັ້ນຕອນດັ່ງກ່າວ ຄວນຈະເບິ່ງຮຽບງ່າຍ ໃນລັກສະນະດັ່ງນີ້

1 ກວດສອບວ່າຜູ້ທີ່ກຳລັງຈະເປັນລູກຄ້າມີຄຸນສົມບັດທີ່ຕ້ອງການ

2 ສ້າງຂໍ້ມູນໃຫ້ກັບຜູ້ທີ່ໜ້າຈະເປັນລູກຄ້າ ແລະ ກຳນົດເວລາການໂທ

3 ພົບເຈີລູກຄ້າເພື່ອສອບຖາມ ແລະ ເວົ້ານຳ

4 ສ້າງຂໍ້ສະເໜີເນັ້ນປະເດັນຕ່າງໆທີ່ໄດ້ກຳນົດໄວ້ລ່ວງໜ້າ

5 ເຂົ້າສູ່ຂັ້ນຕອນປິດການຂາຍ

ເມື່ອທ່ານສ້າງເສັ້ນທາງທີ່ເປັນຂັ້ນເປັນຕອນໃນການປະຕິສຳພັນກັບລູກຄ້າທີ່ມີສັກກະຍາພາບທ່ານຈະເຂົ້າໃຈຄວາມຕ້ອງການຂອງລູກຄ້າໄດ້ຫຼາຍຂຶ້ນຈາກນັ້ນຈຶ່ງຂະຫຍາຍໄປສູ່ຄວາມສຳພັນທີ່ຍິ່ງມີຄວາມໝາຍ ລຸກຄ້າທີ່ທ່ານຊ່ວຍແກ້ໄຂບັນຫາໄດ້ກໍຈະເພີ່ມຈຳນວນຂຶ້ນ ແລະ ການຂາຍໄດ້ຍິ່ງຂຶ້ນໄປອີກ

ປ້ອງກັນກະແສເງິນສົດ

• ເຊື້ອໄຟ

ດູແລກະແສເງິນສົດໃຫ້ດີ ເພາະຖ້າທ່ານບໍ່ມີເງິນສົດເຫຼືອຢູ່ທຸລະກິດກໍຕ້ອງລົ້ມແນ່ນອນ

ທູກໆການຕັດສິນໃຈທີ່ເຮົາເລືອກມັນສຳຄັນຫຼາຍທີ່ຕ້ອງຖາມຕົວເຮົາວ່າການຕັດສິນໃຈນັ້ນຈະສົ່ງຜົນແນວໃດຕໍ່ກະແສເງິນສົດ

ຕໍ່ໄປນີ້ຄືຄຳຖາມທາງການເງິນ 7 ຂໍ້ທີ່ທ່ານຄວນຖາມກ່ອນຕັດສິນໃຈທາງທຸລະກິດຄັ້ງສຳຄັນດັ່ງນີ້

1 ຕ້ອງໃຊ້ເງິນສົດເທົ່າໃດໃນການສ້າງຜະລິດຕະພັນໂຕນີ້ກ່ອນທີ່ຈະນຳອອກສູ່ຕະຫຼາດໄດ້?

2 ອັດຕາສ່ວນກຳໄລຂອງຜະລິດຕະພັນໂຕນີ້ເປັນເທົ່າໃດ ມັນຈະສາມາດເຮັດເງິນມາຄືນສ່ວນທຶນໄດ້ ຫຼື ບໍ່?

3 ເມື່ອໃດເຮົາເຖິງຈະເລິ່ມເຮັດລາຍໄດ້ຈາກຜະລິດຕະພັນໂຕນີ້?

4 ການອອກຜະລິດຕະພັນໂຕນີ້ສູ່ຕະຫຼາດຈະກະທົບກັບກະແສລາຍໄດ້ອື່ນແນວໃດແດ່ ມັນຈະເຮັດໃຫ້ເງິນສົດທີ່ມາຈາກແຫຼ່ງອື່ນຫຼຸດລົງ ຫຼື ບໍ່?

5 ການເສຍເງິນໄປກັບຜະລິດຕະພັນໂຕນີ້ຈະສ້າງຍອດຂາຍ ແລະ ກຳໄລຈາກທີ່ອື່ນເພີ່ມ ຫຼື ບໍ່? ຖ້າແມ່ນມັນຄືເທົ່າໃດ?

6 ເຮົາຈະເຮັດໃຫ້ຜະລິດຕະພັນໂຕນີ້ສ້າງກຳໄລຫຼາຍຂຶ້ນໄດ້ແນວໃດ?

7 ການເຮັດຊ້ຳ (Iterations) ແບບໃດແດ່ຂອງທຸລະກິດນີ້ທີ່ເຮັດໃຫ້ເຮົາຂາຍມັນໃນລາຄາສູງຂຶ້ນໄດ້?

ເຮັດໃຫ້ການສົ່ງຂໍ້ຄວາມເປັນເລື່ອງງ່າຍ

ຈະລັບຄົມຖ້ອຍຄຳ ຫຼື ຂໍ້ຄວາມທາງການຕະຫຼາດຂອງທ່ານແນວໃດ (ແລະ ເປັນຫຍັງຕ້ອງເຮັດ) ຫາຄຳຕອບໄປພ້ອມກັນຕໍ່ໄປນີ້

ໃຊ້ເລື່ອງເລົ່າດຶງດູດລູກຄ້າ

ຄົນທົ່ວໄປໃຊ້ເວລາ 30% ໃນແຕ່ລະມື້ຂອງພວກເຂົາໄປກັບການຝັນກາງເວັນ,​ລະຫວ່າງນັ່ງຟັງບັນຍາຍມືໄຖໂທລະສັບມືຖືໄປເລື່ອຍ ຫຼື ແມ້ແຕ່ລະຫວ່າງທີ່ກຳລັງກິນເຂົ້າກໍກຳລັງໃຈລອຍບໍ່ຢູ່ກັບຕົວ

ສິ່ງທີ່ສາມາດຢຸດຄົນຈາກການຝັນກາງເວັນໄດ້ກໍຄື ເລື່ອງເລົ່າເມື່ອເຮົາໄດ້ຍິນເລື່ອງເລົ່າຈັກເລື່ອງໜຶ່ງເຮົາກໍຢຸດໃຈລອຍ ແລະ ຕັ້ງໃຈຟັງ

ຕົວຢ່າງສູດເລົ່າເລື່ອງທີ່ໃຊ້ໂດຍ Chef ອົບຂະໜົມ ເພື່ອຂາຍເຄັກສຳຫຼັບງານແຕ່ງດອງ

=> ຕົວລະຄອນທີ່ຕ້ອງການບາງສິ່ງ: ເຈົ້າສາວທຸກຄົນປາດຖະໜາເຄັກແຕ່ງດອງແສນງົດງາມ ເຊິ່ງສະແດງໃຫ້ເຫັນເຖິງຄວາມໝາຍຂອງຊ່ວງເວລາສຳຄັນນັ້ນ

=> ຕົວເອກປະເຊີນກັບບັນຫາ: ບັນຫາຄືເຄັກງານແຕ່ງດອງສ່ວນໃຫຍ່ລົດຊາດບໍ່ໄດ້ເລື່ອງແລ້ວຍັງຈະຖິ້ມລົດຊາດບໍ່ດີແບບນັ້ນໄວ້ໃນປາກຂອງແຂກອີກດ້ວຍ

=> ຕົວເອກພົບຜູ້ນຳທາງ: ສະຖານທີ່ Eighth street Bakery ເຮົາເບື່ອກັບເຄັກແຕ່ງດອງລົດຊາດບໍ່ດີໆ ເຮົາຈຶ່ງພັດທະນາຂະບວນການເພື່ອໃຫ້ເຄັກແຕ່່ງດອງແສນງົດງາມມີລົດຊາດລ້ຳເລີດໄດ້ແທ້

=>ຜູ້ນຳທາງບອກແຜນການກັບຕົວເອກ: ເພື່ອຮ່່ວມງານກັບເຮົາພຽງແຕ່ທ່ານນັດໝາຍ ມາທີ່ຮ້ານເພື່ອຊິມລົດຊາດ ແລະ ລະບຸວັນຈັດສົ່ງເຄັກສຳຫຼັບທ່ານ

=> ຜູ້ນຳທາງກະຕຸ້ນໃຫ້ຕົວເອກລົງມືເຮັດ: ນັດກັບເຮົາໄດ້ແລ້ວມື້ນີ້

=> ມີຫຍັງເປັນເດີມພັນ – ຄວາມສຳເລັດ: ຖ້າທ່ານນັດກັບເຮົາແຂກຂອງທ່ານຈະຕ້ອງອຶ້ງກັບເຄັກທີ່ງົດງາມຂອງທ່ານ ແລະ ຕ້ອງຍ່າງວົນມາເບິ່ງອີກຮອບພາຍໃນບໍ່ເທົ່າໃດວິນາທີ

=> ມີຫຍັງເປັນເດີມພັນ – ຄວາມລົ້ມເຫຼວ: ຢ່າຍອມໃຫ້ເຄັກທີ່ບໍ່ແຊບເຮັດງານແຕ່ງດອງທ່ານຈືດຈາງລົງ ນັດກັບເຮົາມື້ນີ້ເລີຍ

ນີ້ຄືການສະເໜີຂາຍ ແລ້ວພາສາແບບນີ້ຍັງສາມາດໃຊ້ໄດ້ກັບການນຳສະເໜີວຽກ ເວັບໄຊ ການຕະຫຼາດ ອີເມວ ແລະ ວີດີໂອໄດ້ອີກດ້ວຍ

ກຳນົດໃຫ້ລູກຄ້າຂອງທ່ານເປັນຕົວເອກ

• ລະຫວ່າງທີ່ທ່ານສ້າງຖ້ອຍຄຳທາງການຕະຫຼາດຢ່າວ່າງຕົວທ່ານເປັນຕົວເອກໂດຍເດັດຂາດໃຫ້ກຳນົດຕົວທ່ານເປັນຜູ້ນຳທາງທຸກຄັ້ງ

ໃນຮູບເງົາຫຼາຍໆເລື່ອງ ຕົວເອກບໍ່ແມ່ນຕົວລະຄອນທີ່ແຂງແກ່ງທີ່ສຸດ ຕົວເອກຄືຕົວລະຄອນທີ່ອ່ອນແອ ເຊິ່ງກຳລັງຈະແຂງແກ່ງຍິ່ງຂຶ້ນ

ໃນຮູບເງົາສ່ວນໃຫຍ່ຈະມີຕົວລະຄອນອີກໜຶ່ງຕົວເຊິ່ງເຂົາແຂງແກ່ງຢູ່ແລ້ວຜູ້ນຳທາງມາຢູ່ໃນເລື່ອງເພື່ອຈະຊ່ວຍໃຫ້ຕົວເອກຊະນະ

ໃນຊີວິດເຮົາການໄດ້ເປັນຕົວເອກນັ້ນວິເສດຫຼາຍ ຄວາມຈິງເຮົາທຸກຄົນກໍເປັນ Hero ເຊິ່ງກຳລັງເຮັດພາລະກິດບາງຢ່າງໃຫ້ສຳເລັດທັ້ງນັ້ນ ແຕ່ສຳຫຼັບທຸລະກິດເຮົາຕ້ອງສະຫຼັບບົດບາດ ແລະ ຫຼິ້ນເປັນຜູ້ນຳທາງ ຜູ້ນຳທາງມີໄວ້ເພື່ອຊ່ວຍໃຫ້ຕົວເອກປະສົບຜົນສຳເລັດ

ຄວາມແຕກຕ່າງລະຫວ່າງການວາງຕົວເອງເປັນຕົວເອກກັບຜູ້ນຳທາງເປັນແນວໃດ?

ຕົວເອກຈະເລົ່າເລື່ອງຂອງພວກເຂົາເອງໃນລະຫວ່າງທີ່ຜູ້ນຳທາງເຂົ້າໃຈເລື່ອງລາວຂອງຕົວເອກ ແລະ ທຸ່ມເທເສຍສະຫຼະເພື່ອຊ່ວຍໃຫ້ພວກເຂົາຊະນະ

ແລ້ວທ່ານຈະວາງຕົວເອງເປັນຜູ້ນຳທາງໄດ້ແນວໃດ?

ລອງເບິ່ງລັກສະນະ ສະເພາະ 2 ຢ່າງທີ່ຜູ້ນຳທາງທີ່ເກັ່ງກາດມີໃນຕົວເອງ

1 ຄວາມເຂົ້າອົກເຂົ້າໃຈ

ຜູ້ນຳທາງເຂົ້າໃຈຄວາມທ້າທາຍທີ່ຕົວເອກປະເຊີນຢູ່ ແລະ ຄຳນຶງເຖິງຄວາມເຈັບປວດຂອງພວກເຂົາ ພວກເຂົາໃສ່ໃຈຕົວເອກ

2 ຄວາມເປັນຕົວຈິງ

ຜູ້ນຳທາງມີຄວາມທ້າທາຍທີ່ຊ່ວຍຕົວເອກຈັດການບັນຫາຂອງພວກເຂົາ ຜູ້ນຳທາງຮູ້ດີວ່າພວກເຂົາກຳລັງເຮັດຫຍັງຢູ່

ເວົ້າເຖິງບັນຫາຂອງລູກຄ້າ

ຖ້າທ່ານຍັງບໍ່ໄດ້ບອກວ່າສິນຄ້າ ຫຼື ແບຣນຂອງທ່ານເປັນທາງອອກຂອງບັນຫາໃຫ້ໃຜຟັງພວກເຂົາກໍບໍ່ສົນໃຈມັນ

ບັນຫາຄືຈຸດຂາຍ (hook) ຖ້ານັກເລົ່າເລື່ອງຍັງບໍ່ເຜີຍເຖິງບັນຫາທີ່ຕົວເອກຕ້ອງຕໍ່ສູ້ຜູ້ຊົມກໍ່ຈະນັ່ງຄິດໃນໃຈວ່າເລື່ອງນີ້ມັນຈະເປັນໄປແນວໃດກັນແທ້

ຍິ່ງທ່ານເວົ້າເຖິງບັນຫາທີ່ທ່ານຊ່ວຍແກ້ໄຂໄດ້ຫຼາຍເທົ່າໃດ ທ່ານກໍເພີ່ມຄຸນຄ່າໃນຕົວສິນຄ້າ ແລະ ບໍລິການຂອງທ່ານຂຶ້ນເທົ່ານັ້ນ

ບອກວ່າມີສິ່ງໃດເປັນເດີມພັນ ແລະ ສ້າງຄວາມຈຳເປັນເລັ່ງດ່ວນ

ທ່ານຢາກສະແດງອອກເຖິງຄວາມເປັນຜູ້ນຳຢາກໃຫ້ແບຣນຂອງທ່ານໂດດເດັ່ນຈາກຝູງ ຫຼື ບໍ່ ຖ້າແມ່ນຈັ່ງບອກຄົນອື່ນໆໄປເລີຍວ່າມີຫຍັງເປັນເດີມພັນ ຖ້າພວກເຂົາໄປເລືອກແບຣນອື່ນໆ ແທນທີ່ຈະເລືອກທ່ານ

ມີຫຍັງເປັນເດີມພັນຖ້າເຮົາຊື້ ຫຼື ບໍ່ຊື້ສິນຄ້າຂອງທ່ານເຮົາຈະໄດ້ຮັບ ຫຼື ເສຍສິ່ງໃດຖ້າເຮົາເລືອກແບຣນອື່ນນອກເໜືອຈາກທ່ານ

ລອງໃຊ້ເວລາຕອບຄຳຖາມຕໍ່ໄປນີ້

1 ຊີວິດຂອງຜູ້ຄົນຈະເປັນແນວໃດ? ຖ້າພວກເຂົາມີສ່ວນຮ່ວມກັບເລື່ອງລາວທີ່ຂ້ອຍເຊີນຊວນໃຫ້ເຂົ້າມາ

2 ຊີວິດຂອງຜູ້ຄົນຈະເປັນແນວໃດ? ຖ້າພວກເຂົາບໍ່ໄດ້ມີສ່ວນຮ່ວມກັບເລື່ອງລາວທີ່ຂ້ອຍຊວນໃຫ້ເຂົ້າມາ

ວິທີສ້າງແຄມເປນທາງການຕະຫຼາດ – ເຂົ້າໃຈເລື່ອງກວຍການຂາຍ

ກວຍການຂາຍ ( sales funnel ) ໃຊ້ເພື່ອດຶງດູດລູກຄ້າ ເພື່ອສື່ສານພາຍໃນອົງກອນໄດ້

ທຸລະກິດທີ່ມີກວຍການຂາຍຈະເອົາຕົວລອດໄດຫຼາຍກວ່າເພາະວ່າກວຍການຂາຍຈະເຮັດ 2 ຢ່າງຕໍ່ໄປນີ້ໃຫ້ກັບທ່ານ

1 ສ້າງຄວາມເຊື່ອໃຈ ແລະ ຄວາມຄຸ້ນເຄີຍກັບລູກຄ້າ

2 ຊ່ວຍໃຫ້ທ່ານເຂົ້າເຖິງລູກຄ້າ ແລະ ສົ່ງຂໍ້ຄວາມໃໝ່ໆຂອງທ່ານໄດ້

ເພື່ອຈະຮຽນຮູ້ວິທີສ້າງແຜນການຕະຫຼາດທີ່ໄດ້ຜົນ ເຮົາຕ້ອງເຂົ້າໃຈກ່ອນວ່າຄວາມສຳພັນເຮັດວຽກແນວໃດ?

ທຸກໆຄວາມສຳພັນຈະຂັບເຄື່ອນດ້ວຍຊ່ວງເວລາ 3 ໄລຍະ

• ຄວາມຢາກຮູ້

ເພື່ອທີ່ຈະກະຕຸ້ນຄວາມຢາກຮູ້ຂອງຄົນຄົນໜຶ່ງເຮົາຈະຕ້ອງເຊື່ອມໂຍງຜະລິດຕະພັນ ຫຼື ບໍລິການຂອງເຮົາເຂົາກັບການເອົາຕົວລອດຂອງພວກເຂົາ

ການເອົາຕົວລອດນັ້ນຈະເປັນເລື່ອງໃດກໍໄດ້ຕັ້ງແຕ່ ການເກັບອອມເງິນ ການຫາເງິນ ການຮຽນຮູ້ສູດອາຫານທີ່ເນັ້ນສຸຂະພາບ ສິນຄ້າ ຫຼື ບໍລິການເກືອບທຸກຢ່າງສາມາດເຊື່ອມໂຍງກັບການເອົາຕົວລອດຂອງລູກຄ້າໄດ້

• ຄວາມເຂົ້າໃຈຈະແຈ້ງ

ຫຼັງຈາກລູກຄ້າເລີ່ມສົນໃຈສິນຄ້າຂອງເຮົາເພາະເຮົາເຮັດໃຫ້ພວກເຂົາຢາກຮູ້ຫຼາຍຍິ່ງຂຶ້ນໄປແລ້ວເຮົາອາດຈະໃຊ້ການສື່ສານນັ້ນລົງໜ້ອຍໜຶ່ງແລ້ວມາສ້າງຄວາມຈະແຈ້ງໃຫ້ພວກເຂົາຮູ້ວ່່າສິນຄ້ານັ້ນຈະຊ່ວຍພວກເຂົາແນວໃດແດ່?

• ຄວາມຍຶດໝັ້ນ

ຖ້າເວົ້າເຖິງສິນຄ້າ ຫຼື ບໍລິການຄວາມຍຶດໝັ້ນກໍມີຄວາມໝາຍງ່າຍໆວ່າລູກຄ້າເຕັມໃຈຈະຈ່າຍເງິນຂອງພວກເຂົາ ເພື່ອແລກກັບສິ່ງຂອງບາງຢ່າງທີ່ພວກເຂົາເຊື່ອວ່າຈະຊ່ວຍໃນການດຳລົງຊີວິດຂອງພວກເຂົາໄດ້

ແຕ່ໃນຕະຫຼາດສ່ວນໃຫຍ່ບໍ່ເປັນໄປຕາມຂັ້ນຕອນຂອງຄວາມສຳພັນນີ້ເຊິ່ງຄວາມສຳພັນຕ້ອງອາໄສເວລາ ຖ້າເຮົາຂໍໃຫ້ພວກເຂົາຍຶດໝັ້ນກ່ອນຈະສ້າງຄວາມຢາກຮູ້ ແລະ ໃຫ້ຄວາມເຂົ້າໃຈກ່ຽວກັບສິນຄ້າຂອງເຮົາພວກເຂົາຈະຍ່າງໜີໄປ

ເຮົາຕ້ອງຄ່ອຍໆກະຕຸ້ນຄວາມຢາກຮູ້ຂອງລູກຄ້າອະທິບາຍໃຫ້ເກີດຄວາມຈະແຈ້ງແລ້ວຄ່ອຍຖາມຫາຄວາມຍຶດໝັ້ນຈາກພວກເຂົາ

ເຮັດໃຫ້ການສື່ສານເປັນເລື່ອງງ່າຍ

ໃຫ້ການນຳສະເໜີທີ່ສຸດຍອດ

• ເປີດການສົນທະນາຂອງທ່ານດ້ວຍການບອກຜູ້ຟັງວ່າທ່ານກຳລັງຈະຊ່ວຍແກ້ໄຂບັນຫາຫຍັງໃຫ້ພວກເຂົາ

ເມື່ອທ່ານເລີ່ມການນຳສະເໜີດ້ວຍການເວົ້າເຖິງບັນຫາ ທ່ານຈະດຶງດູດຜູ້ຟັງໄດ້ ຖ້າຫາກທ່ານບໍ່ໄດ້ເຮັດເຊັ່ນນັ້ນຜູ້ຟັງຈະນັ່ງສົງໄສໃນໃຈວ່າເປັນຫຍັງພວກເຂົາຄວນຈະຟັງຕໍ່

ຫາໃຈຄວາມສຳຄັນ (theme) ຂອງການນຳສະເໜີຂອງທ່ານ

ຫຼາຍປີກ່ອນ Donald Miller ໄດ້ໂຄ້ດການເວົ້າມາຊ່ວຍພັດທະນາການເວົ້າໂຄ້ດຄົນນີ້ມີຄຳແນະນຳໃຫ້ຄວບຄຸມດ້ວຍຄວາມໝັ່ນໃຈທີ່ສຸດໃນສິ່ງສຸດທ້າຍທີ່ຈະເວົ້າກ່ອນຍ່າງລົງຈາກເວທີ

“ຄົນຈື່ສິ່ງສຸດທ້າຍທີ່ທ່ານເວົ້າໄດ້ຫຼາຍ ກ່ອນເລື່ອງອື່ນທັ້ງໝົດ”

ການກ່າວໃຈຄວາມສຳຄັນໃນຊ່ວງທ້າຍຂອງການນຳສະເໜີຈະຊ່ວຍໃຫ້ແນ່ໃຈວ່າທ່ານໄດ້ບອກຜູ້ຊົມວ່າການເວົ້າຄັ້ງນີ້ກ່ຽວກັບຫຍັງຖ້າທ່ານບໍ່ໄດ້ເຮັດເຊັ່ນນັ້ນກໍກາຍເປັນວ່າທານກຳລັງປ່ອຍໃຫ້ຜູ້ຊົມແກ້ໄຂໂຈດຄະນິດສາດ ເພື່ອຫາຄຳຕອບເອງ

ໂດຍສ່ວນໃຫຍ່ແລ້ວຫາກທ່ານບໍ່ເວົ້າໃຈຄວາມສຳຄັນຜູ້ຊົມມັກຈະບໍ່ສາມາດເຂົ້າໃຈແນວຄິດຫຼັກຂອງສິ່ງທີ່ທ່ານເວົ້າໄດ້ ແລະ ນັ້ນໝາຍຄວາມວ່າທ່ານຈະບໍ່ຖືກຈົດຈຳໃນຖານະຜູ້ສື່ສານທີ່ສຸດຍອດ

ແລ້ວທ່ານຈະຫາໃຈຄວາມສຳຄັນຂອງການເວົ້າແນວໃດ?

ພຽງແຕ່ເຕີມຄຳໃນຊ່ອງວ່າງຂອງປະໂຫຍກຕໍ່ໄປນີ້ ປະເດັນຫຼັກໃນການນຳສະເໜີຂອງຂອ້ຍກໍຄື ……………….

ເຮັດໃຫ້ການຂາຍເປັນເລື່ອງງ່າຍ

ກວດສອບຄຸນສົມບັດຂອງລູກຄ້າເປົ້າໝາຍ (Lead)

ຫຼາຍປີທີ່ແລ້ວ Donald Miller ໄດ້ເຂົ້າຮ່ວມຂຽນບົດຮູບເງົາເລື່ອງໜຶ່ງ ແລະ ຜູ້ກຳກັບເຊີນໃຫ້ໄປຊ່ວຍຄັດນັກສະແດງ

ກ່ອນໜ້ານີ້ Donald Miller ເຄີຍຄິດວ່າຜູ້ກຳກັບຄືສິຈະເລືອກນັກສະແດງທີ່ດີທີ່ສຸດ ແຕ່ມັນບໍ່ເປັນແບບນັ້ນເລີຍ ຄວາມຈິງຄືຜູ້ກຳກັບເລືອກນັກສະແດງທີ່ເໝາະສົມກັບບົດບາດແຕ່ລະສ່ວນໂດຍບໍ່ຈຳເປັນຕ້ອງເກັ່ງທີ່ສຸດ

ໃນການຂາຍເຮົາເອີ້ນສິ່ງນີ້ວ່າ ການກວດສອບຄຸນສົມບັດຂອງວ່າທີ່ລູກຄ້າ (Qualifying the lead)

ວ່າທີ່ລູກຄ້າທີ່ທ່ານຊອກຫາຈະຕ້ອງມີລັກສະນະກົງກັບທັ້ງ 3 ຂໍ້ຕໍ່ໄປນີ້

1 ພວກເຂົາມີບັນຫາທີ່ຜະລິດຕະພັນຂອງທ່ານເປັນທາງອອກ

2 ພວກເຂົາມີກຳລັງຊື້ຜະລິດຕະພັນຂອງທ່ານ

3 ພວກເຂົາມີສິດທີ່ຈະຊື້ ຜະລິດຕະພັນຂອງທ່ານ

ຊວນໃຫ້ລູກຄ້າເຂົ້າສູ່ເລື່ອງລາວ

ເພື່ອຈະເຮັດໃຫ້ວ່າທີ່ລູກຄ້າທີ່ມີຄຸນສົມບັດຄົບຖ້ວນສົນໃຈປຢາກກ້າວເຂົ້າມາໃນເລື່ອງລາວນັ້ນທ່ານກໍພຽງແຕ່ຕ້ອງປູເນື້ອເລື່ອງອອກມາໃຫ້ພວກເຂົາເບິ່ງ

5 ສິ່ງທີ່ຈະເກີດຂຶ້ນໃນເລື່ອງລາວເກືອບທັ້ງໝົດທ່ານອາດຕ້ອງການໃຊ້ສູດດັ່ງນີ້

1 ຂ້ອຍເຫັນທ່ານກຳລັງທຸກທົນກັບບັນຫາ x ຢູ່

2 ຂ້ອຍເຂົ້າໃຈວ່າບັນຫາ x ນັ້ນເຮັດໃຫ້ເກີດຄວາມບໍ່ພໍໃຈ y

3 ສິນຄ້າ ແລະ ບໍລິການຂອງເຮົາຈະຊ່ວຍຈັດຄວາມບໍ່ພໍໃຈ y ດ້ວຍການແກ້ໄຂບັນຫາ x

4 ເຮົາໄດ້ເຮັດວຽກຮ່ວມກັບລູກຄ້າຫຼາຍຮ້ອຍຄົນທີ່ມີບັນຫາ x ແລະ ນີ້ຄືຜົນລັບທີ່ພວກເຂົາໄດ້ຮັບ

5 ເຮົາມາສ້າງແຜນການເທື່ອລະຂັ້ນໄປດ້ວຍກັນເພື່ອໃຫ້ບັນຫາ ແລະ ຄວາມບໍ່ພໍໃຈຂອງທ່ານຫຼຸດຜ່ອນໄປ

ເວົ້າຍ້ຳປະເດັນຂອງທ່ານ

• ຮັບບົດເປັນຜູ້ນຳທາງ ແລະ ຮູ້ວ່າຕ້ອງເວົ້າຫຍັງ?

ເຮັດແນວໃດເຮົາຈະຂາຍໄດ້ຫຼາຍຂຶ້ນ? ເຮົາຕ້ອງຮັບບົດເປັນຜູ້ນຳທາງ

ຮອດຕອນນີ້ທ່ານໄດ້ຮູ້ວ່າບົດບາດນັ້ນມີແທ້ຢູ່ໃນທຸກເລື່ອງ ແລະ ທ່ານຍັງຮູ້ດ້ວຍວ່າຕາບໃດທີ່ການຂາຍຍັງດຳເນີນໄປຢູ່ໃນທຸກເລື່ອງ ແລະ ທ່ານຍັງຮູ້ດ້ວຍວ່າຕາບໃດທີ່ການຂາຍຍັງດຳເນີນຕໍ່ໄປຢູ່ ລູກຄ້າຈະເປັນຕົວເອກສະເໝີ ແຕ່ເຮົາເອງກໍຮັບບົດເປັນຕົວລະຄອນທີ່ສຳຄັນຫຼາຍໃນເລື່ອງເພາະວ່າເຮົາຈະຫຼິ້ນເປັນຜູ້ນຳທາງ

ຖ້າເຮົາເບິ່ງທີ່ເລື່ອງຂອງການຂາຍຜູ້ນຳທາງຈະເຮັດ 3 ສິ່ງຕໍ່ໄປນີ້

1 ຄອຍຍ້ຳຕົວເອກວ່າເລື່ອງນີ້ກ່ຽວກັບຫຍັງ?

2 ບອກແຜນການເພື່ອຈົດບັນຫາຂອງພວກເຂົາ ແລະ ເອົາຊະນະມັນໄດ້

3 ສື່ໃຫ້ເຫັນພາບສາກສຳຄັນຂອງເລື່ອງ

ຈື່ໄວ້ສະເໝີວ່າລູກຄ້າຄືຕົວລະຄອນຫຼັກພວກເຂົາກຳລັງຊອກຫາຜູ້ນຳທາງທີ່ຈະຊວນໃຫ້ພວກເຂົາເຂົ້າສູ່ເລື່ອງລາວ

ສ້າງຂໍ້ສະເໜີອັນສຸດຍອດ

• ຈັດວາງຂໍ້ສະເໜີຂອງທ່ານໂດຍໃຊ້ສູດຂອງໜັງສືນິຍາຍ

ຜູ້ຄົນບໍ່ມັກຄວາມຮູ້ສຶກທີ່ສັບສົນ ກົນໄກການເອົາຕົວລອດພາຍໃນຕົວເຮົາຕ້ອງການໃຫ້ເຮົາຢູ່ໃນສະພາບແວດລ້ອມທີ່ປາສະຈາກແນວໂນ້ມເປັນໄພຄຸກຄາມ ແລະ ການຖືກເຮັດໃຫ້ງົງ ຫຼື ສັບສົນນັ້ນຖືວ່າເປັນຄວາມຊັບຊ້ອນທີ່ຫຼາຍເກີນໄປ

ຮູບແບບຂອງຂໍ້ສະເໜີທີ່ດີຈະເປັນດັ່ງນີ້

1 ບັນຫາຂອງລູກຄ້າ

2 ຜະລິດຕະພັນທີ່ຈະຊ່ວຍແກ້ໄຂບັນຫາ

3 ແຜນການທີ່ຈະນຳທາງອອກຂອງບັນຫາ (ຜະລິດຕະພັນ) ໄປປັບໃຊ້ໃນຊີວິດຂອງລູກຄ້າ

4 ລາຄາ ແລະ ຕົວເລືອກ

5 ສາກ Climax (ຜົນລັບທີ່ຈະເກີດເມື່ອບັນຫາຖືກແກ້ໄຂຮຽບຮ້ອຍແລ້ວ)

ພະນັກງານຂາຍທີ່ດີຈະໃຊ້ເວລາວ່າງພິຈາລະນາຂໍ້ມູນທັ້ງໝົດທີ່ພວກເຂົາມີທົບທວນບັນຫາຂອງລູກຄ້າ ແລະ ຄວາມຕ້ອງການຫາທາງອອກໃຫ້ກັບເລື່ອງເຫຼົ່ານັ້ນທີ່ຕ້ອງການໃຫ້ລູກຄ້າຕັດສິນໃຈ

ເຮັດໃຫ້ການເຈລະຈາຕໍ່ລອງເປັນເລື່ອງງ່າຍ

ການເຈລະຈາຕໍ່ລອງສອງປະເພດ

• ນັກເຈລະຈາຕໍ່ລອງທີ່ດີຮູ້ວ່າການເຈລະຈາຕໍ່ລອງມີຢູ່ສອງປະເພດຄື ແບບຮ່ວມມືກັນ ແລະ ແບບແຂ່ງຂັນ

ຮູບແບບຂອງການເຈລະຈາທີ່ ຊະນະ/ແພ້ ຈະເອີ້ນວ່າແບບແຂ່ງຂັນ ສ່ວນແບບຊະນະ/ຊະນະ ເອີ້ນວ່າແບບຮ່ວມມື

ໃນຮູບແບບການແຂ່ງຂັນນັກເຈລະຈາຕໍ່ລອງບໍ່ໄດ້ພໍໃຈພຽງແຕ່ຜົນລັບທີ່ພວກເຂົາໄດ້ແຕ່ພວກເຂົາຕ້ອງການໃຫ້ທ່ານຮູ້ສຶກບໍ່ພໍໃຈດ້ວຍ

ໃນທາງກົງກັນຂ້າມຮູບແບບການຮ່ວມມືຈະແນມຫາຫົນທາງທີ່ທັ້ງສອງຝ່າຍຈະໄດ້ຮັບປະໂຫຍດຈາກຂໍ້ຕົກລົງນັ້ນ

ດັ່ງນັ້ນ ໃຫ້ຈື່ກົດນີ້ໄວ້ຖ້າທ່ານກຳລັງຢູ່ໃນການເຈລະຈາຮູບແບບທີ່ຮ່ວມມືກັນ ແລະ ທ່ານສຳພັດໄດ້ວ່າຄົນທີ່ທ່ານກຳລັງລົມນຳນັ້ນໃຊ້ຮູບແບບການແຂ່ງຂັນທ່ານຄວນຈະປ່ຽນຮູບແບບໄປເປັນແບບແຂ່ງຂັນທັນທີ

ເພາະວ່າພວກເຂົາບໍ່ໄດ້ແນມຫາຫົນທາງແບບຊະນະ/ຊະນະ ແລະ ເພື່ອທີ່ຈະສ້າງສະຖານະການທີ່ເກີດຜົນດີທັ້ງສອງຝ່າຍທ່ານຈຳເປັນຕ້ອງໃຫ້ພວກເຂົາຢູ່ຂ້າງດຽວກັບທ່ານ

ຕົວຢ່າງ Donald Miller ໄດ້ຕໍ່ລອງເພື່ອຈະຊື້ີ shophouse ແຫ່ງໜຶ່ງຮູບແບບປະຈຳທີ່ໃຊ້ຄືແບບຮ່ວມມືກັນແຕ່ແລ້ວທີມງານທີ່ລົມນຳນັ້ນບໍ່ໄດ້ສົນໃຈ ພວກເຂົາພຽງຢາກໄດ້ສິ່ງທີ່ພວກເຂົາຕ້ອງການ Donald Miller ເລີຍຕ້ອງປ່ຽນຮູບແບບໄປເປັນແບບແຂ່ງຂັນໂດຍໄວຈົນສຸດທ້າຍລາຄາຢູ່ໃນຈຸດທີ່ຕ້ອງການ ແລະ ຖາມພວກເຂົາວ່າຈະເຮັດໃຫ້ມັນຫຼຸດລົງກວ່ານີ້ໄດ້ອີກບໍ່ ພວກເຂົາປະຕິເສດ ດັ່ງນັ້ນເລີຍຕັດສິນໃຈຊື້

ເພາະຖ້າພວກເຂົາຮູ້ວ່າເຮົາຊະນະກັນທັ້ງສອງຝ່າຍພວກເຂົາຈະຂຶ້ນລາຄານັກເຈລະຈາຕໍ່ລອງປະເພດແຂ່ງຂັນຕ້ອງການໃຫ້ທ່ານແພ້

ຄຳເຕືອນຢ່າເປັນຄົນໃສຊື່ເກີນໄປເພື່ອຢູ່ໃນແບບການແຂ່ງຂັນ ຜູ້ເຈລະຈາຕ້ອງການໃຫ້ທ່ານແພ້ ສ່ວນໃນຮູບແບບຮ່ວມມືຜູ້ເຈລະຈາຢາກໃຫ້ທັ້ງສອງຝ່າຍໄດ້ຜົນປະໂຫຍດບໍ່ມີຮູບແບບໃດດີກວ່າກັນມັນເຮັດວຽກໄດ້ສຸດຍອດທັ້ງສອງແບບ ແຕ່ຖ້າທ່ານໃຊ້ຮູບແບບຮ່ວມມືກັນລະຫວ່າງອີກຝ່າຍໃຊ້ຮູບແບບແຂ່ງຂັນທ່ານຈະແພ້ ຖ້າທ່ານບໍ່ຮູ້ຕົວວ່າກຳລັງເກີດຫຍັງຂຶ້ນ

ຢ່າຕົກເປັນເຫຍື່ອຂອງອາລົມ

ພວກເຮົາບໍ່ໄດ້ເປັນມະນຸດຜູ້ທີ່ມີດ້ວຍເຫດຜົນທີ່ສຸດເມື່ອເປັນເລື່ອງຕໍ່ລອງຄວນຈະໜັກໃຈໄດ້ວ່າເຮົາບໍ່ໄດ້ຖືກອາລົມຂອງຕົວເອງຄອບງຳຈົນເຮັດໃຫ້ເຮົາຕັດສິນໃຈຜິດພາດ ແລະ ຈົນຍອມສະຫຼະທຸກຢ່າງ ເພື່ອໃຫ້ໄດ້ມັນມາ

ສິ່ງທີ່ເຮົາຄວນເຮັດຄືການຫາທາງເລືອກອື່ນ ແລະ ແບ່ງຄວາມສົນໃຈຂອງເຮົາເປັນສ່ວນໆເພື່ອບໍ່ໃຫ້ຕົວເຮົາເອງຖືກອາລົມພາໄປງ່າຍ

ກະຈ່າຍຄວາມສົນໃຈຂອງທ່ານໃນແຕ່ລະໂອກາດກ່ອນເລີ່ມການເຈລະຈາເພື່ອຫຼີກຫຼ່ຽງການຕິດກັບດັກທາງອາລົມ

ເຮັດໃຫ້ການຈັດການເປັນເລື່ອງງ່າຍ

ກຳນົດລະດັບຄວາມສຳຄັນໃຫ້ຈະແຈ້ງ

ເມື່ອທ່ານກຳລັງຄິດວ່າແຜນການຂອງທ່ານ (ຫຼືບໍລິສັດຂອງທ່ານ) ກຳລັງຜະລິດສິ່ງໃດ ມັນສຳຄັນຢ່າງຍິ່ງວ່າແມ່ນຫຍັງກໍຕາມທີ່ທ່ານເລືອກຄວນຈະມີລັກສະນະ 3 ດັ່ງນີ້

1 ມັນຕ້ອງວັດຜົນໄດ້

2 ມັນຕ້ອງສ້າງກຳໄລ

3 ມັນຕ້ອງຂະຫຍາຍຕົວໄດ້

ລະບຸຕົວວັດຄວາມສຳເລັດຂອງວຽກ (KPI – key Performance Indicators)

ຖ້າເຮົາຮູ້ແລ້ວວ່າຜະແນກຂອງທ່ານນັ້ນຜະລິດຫຍັງ? ທ່ານອາດຈະຢາກຫາຕົວຊີ້ວັດນຳ ( lead indicators ) ເຊິ່ງເຮັດໃຫ້ເກີດການຜະລິດສິ່ງນັ້ນຕົວຊີ້ວັດນຳຄືການກະທຳທີ່ກໍ່ໃຫ້ເກີດຜົນສຳເລັດໃນລະຫວ່າງທີ່ຕົວຊີ້ວັດຕາມ ( lag indicators ) ຄືການວັດຜົນຂອງຄວາມສຳເລັດເຫຼົ່ານັ້ນ

ຕົວຢ່າງເຊັ່ນ ຍອດຂາຍໜຶ່ງພັນອັນໃນເດືອນເມສາຄືຕົວຊີ້ວັດຕາມການຂາຍເຫຼົ່ານັ້ນໄດ້ເກີດຂຶ້ນແລ້ວ ແລະ ເຮົາບໍ່ສາມາດເຮັດຫຍັງ ເພື່ອໃຫ້ມັນເພີ່ມຂຶ້ນໄດ້ອີກເດືອນເມສານັ້ນຈົບລົງແລ້ວ

ກົງກັນຂ້າມການເຮັດໃຫ້ແນ່ໃຈວ່າຕົວແທນຂາຍແຕ່ລະຄົນຂອງເຮົາໂທໄປຫາລູກຄ້າ 50 ລາຍຕໍ່ມື້ ນີ້ຄືຕົວຊີ້ວັດນຳ ເຊິ່ງຈະເຮັດໃຫ້ເກີດຕົວຊີ້ວັດຕາມ ນັ້ນເປັນເຫດຜົນວ່າເປັນຫຍັງຜູ້ຈັດການທີ່ດີທັ້ງຫຼາຍຫຼົງໄຫຼໃນຕົວຂີ້ວັດນຳຫຼາຍພໍໆກັບຕົວຊີ້ວັດຕາມເພາະວ່າຕົວຊີ້ວັດນຳເຮັດໃຫ້ເກີດຕົວຊີ້ວັດຕາມນັ້ນເອງ

ການຄິດຫາຕົວຊີ້ວັດຄວາມສຳເລັດຂອງວຽກທ່ານແທ້ແລ້ວຄືການເຂົ້າໃຈຢ່າງຈະແຈ້ງວ່າເຄື່ອງມືນັ້ນເຮັດວຽກແນວໃດ? ເພື່ອໃຫ້ເຮົາສາມາດວັດຜົນປະສິດທິພາບ ແລະ ຜະລິດຂອງມັນໄດ້

ຄິດຄົ້ນຫາຂະບວນການທີ່ວ່ອງໄວ ແລະ ໄດ້ຜົນຫຼາຍຂຶ້ນ

• ຄິດຫາຂະບວນການທີ່ຈະເພີ່ມອັດຕາສ່ວນການເຮັດວຽກແຕ່ຜົນລັບ (Activity – to – output ratio)

ຄຳຖາມທີ່ຕ້ອງເນັ້ນຍ້ຳຄືເຮັດແນວໃດເຮົາຈຶ່ງຈະຜະລິດສິ່ງທີ່ເຮົາຜະລິດຢູ່ໄດ້ຫຼາຍຂຶ້ນໂດຍທີ່ບໍ່ມີການຫຼຸດຄຸນນະພາບລົງ ຫຼື ເພີ່ມສິ່ງທີ່ຕ້ອງເຮັດໃຫ້ຫຼາຍຂຶ້ນ?

ອີກຄຳຖາມທີ່ທ່ານຕ້ອງຖາມເພື່ອການພັດທະນາຜົນຜະລິດ ແລະ ປະສິດທິພາບຂອງພະແນກທ່ານນັ້ນຄືຫຍັງ? ກໍຄືຂໍ້ຈຳກັດຂອງພະແນກເຮົາ ແລະ ເຮົາຈະຫຼຸດຂໍ້ຈຳກັດນັ້ນລົງໄດ້ແນວໃດ?

ທ່ານໃຊ້ເວລາລົມໂທລະສັບກັບລູກຄ້າທີ່ມີຄຸນສົມບັດບໍ່ກົງຫຼາຍເກີນໄປ ຫຼື ບໍ່?

ມີເຄື່ອງມືຊິ້ນໃດທີ່ທຸກໆຄົນຕ້ອງຄອຍຖ້າມັນ ແລ້ວມັນສົມເຫດສົມຜົນບໍ່ທີ່ທ່ານຈະຊີ້ເພີ່ມອີກເຄື່ອງໜຶ່ງ?

ມີສະມາຊິກໃນທີມຄົນໃດເຮັດວຽກບໍ່ໄດ້ມາດຕະຖານ ຫຼື ບໍ່?

ແມ່ນຫຍັງເປັນເຫດໃຫ້ເຄື່ອງມືທີ່ທ່ານໄດ້ຮັບມອບໝາຍໃຫ້ດູແລດ້ວຍປະສິດທິພາບແດ່?

ຜູ້ຈັດການທີ່ດີຈະຖາມຄຳຖາມເຫຼົ່ານີ້ທຸກໆມື້ ແລະ ຈັດການປ່ຽນແປງສິ່ງຕ່າງໆ

ເຮັດຂໍ້ສະເໜີແນະທີ່ມີຄຸນຄ່າ

ເວລາກ່າວຄຳຊົມເຊີຍ ທ່ານຕ້ອງເວົ້າໃຫ້ເຈາະຈົງໄປເລີຍວ່າສະມາຊິກໃນທີມຄົນນັ້ນເຮັດສິ່ງໃດລົງໄປເຖິງໄດ້ຮັບຄຳຊົມເຊີຍນັ້ນ

ຕໍ່ໄປນີ້ຄືກົດພື້ນຖານທີ່ທ່ານຄວນເຮັດຕາມເມື່ອທ່ານຕ້ອງກ່າວຄຳວິຈານແກ່ຄົນອື່ນ

1 ໃຫ້ຂໍ້ສະເໜີແນະນຳຕັ້ງແຕ່ທຳອິດ

2 ຂໍໃຫ້ທີມລອງສຳຫຼວດເບິ່ງວ່າແມ່ນຫຍັງເກີດຂຶ້ນພ້ອມໆໄປກັບທ່ານ

3 “ປັບປ່ຽນ” ສະຖານະການໃນຫົວຂອງສະມາຊິກໃນທີມດ້ວຍແນວທາງທີ່ແຕກຕ່າງອອກໄປ (ແລະ ຄົ້ນຫາແນວທາງທີ່ດີຂຶ້ນ ພ້ອມກັບພວກເຂົາ) ເພື່ອໃຫ້ຄົນໃນທີມຮູ້ວ່າຈະຕ້ອງເຮັດແນວໃດຄັ້ງຕໍ່ໄປ

4 ຍ້ຳໃຫ້ຄົນໃນທີມຮູ້ວ່າທ່ານຢູ່ເພື່ອພວກເຂົາທ່ານຕ້ອງການໃຫ້ພວກເຂົາ ແລະ ທີມປະສົບຜົນສຳເລັດ

ເປັນໃຫ້ຫຼາຍກວ່າ Cheerleader ຈົ່ງເປັນໂຄ້ດ Coach

Coach ກັບ Cheerleader ມີສິ່ງໜຶ່ງທີ່ຄືກັນຄືທັ້ງສອງຕ້ອງການໃຫ້ທີມ “ຊະນະ”

ຄວາມແຕກຕ່າງຂອງ Coach ກັບ Cheerleader ຄື Cheerleader ໃຫ້ກຳລັງໃຈທ່ານສ່ວນ Coach ໃຫ້ແນວທາງທີ່ເຈາະຈົງ ແລະ ຈຸດມຸ່ງໝາຍທີ່ເຮັດໃຫ້ທ່ານສຳເລັດ ຈາກນັ້ນກໍຊ່ວຍໃຫ້ທ່ານຮຽນຮູ້ ແລະ ປະຍຸກແນວທາງເຫຼົ່ານັ້ນມາໃຊ້ກັບວຽກຂອງທ່ານ

ຕໍ່ໄປນີ້ຄືຄຸນລັກສະນະ 5 ຂໍ້ຂອງ Coach ທຸລະກິດທີ່ສຸດຍອດ

1 ພວກເຂົາຢາກໃຫ້ແຕ່ລະຄົນໃນທີມປະສົບຜົນສຳເລັດທັ້ງໃນວຽກທີ່ເຮັດ ແລະ ເສັ້ນທາງອາຊີບຂອງພວກເຂົາ

2 ພວກເຂົາໄດ້ປະເມີນທັກສະ ແລະ ແຮງຈູງໃຈຂອງສະມາຊິກໃນທີມແຕ່ລະຄົນຢ່າງກົງໄປກົງມາ ແລະ ມີຈຸດປະສົງ

3 ພວກເຂົາສອນລະບົບ ແລະ ທັກສະຕ່າງໆທີ່ໃຊ້ງານໄດ້ແທ້ກັບສະມາຊິກໃນທີມຫຼາຍກວ່າຄາດຫວັງໃຫ້ຄົນໃນທີມຮູ້ເລື່ອງຕ່າງໆເອົາເອງທັ້ງໆທີ່ບໍ່ເຄີຍໄດ້ຮັບການສອນ

4 ພວກເຂົາມອບຄຳແນະນຳເຊີງສ້າງສັນທີ່ເໝາະສົມຢູ່ເປັນປະຈຳເພື່ອໃຫ້ສະມາຊິກໃນທີມພັດທະນາໄດ້ດີຂຶ້ນ

5 ພວກເຂົາຊົມເຊີຍຄວາມສຳເລັດແຕ່ລະຄັ້ງຂອງສະມາຊິກໃນທີມ ແລະ ຊ່ວຍຢືນຢັນວ່າຄົນໃນທີມຂອງພວກເຂົາມີຄວາມປ່ຽນແປງຕົວຕົນໃນທາງທີ່ດີຂຶ້ນ

ເຮັດໃຫ້ການດຳເນີນງານ ຫຼື ປະຕິບັດງານເປັນເລື່ອງງ່າຍ

ຈັດປະຊຸມການເປີດຕົວ

ວິທີທີ່ຈະເຮັດໃຫ້ວຽກສຳເລັດຄືການຍ່ອຍໂຄງການນັ້ນເປັນສ່ວນໆແລ້ວຈັດການເຮັດໃຫ້ແຕ່ລະສ່ວນນັ້ນສົມບູນໂດຍໃຊ້ລະບົບການດຳເນີນງານ (Execution system)

ທຳອິດທີ່ທ່ານຕ້ອງເຮັດໃນການປະຊຸມການເປີດຕົວຄືຕື່ມຂໍ້ຄວາມລົງໃນແບບຟອມ “ຂອບເຂດໂຄງການ” ທ່ານສາມາດໃຊ້ແບບຟອມດັ່ງນີ້ຈະມີຄຳຖາມ 4 ຂໍ້ໃນແບບຟອມຂອບເຂດໂຄງການທີ່ຈະພາໃຫ້ທ່ານເຮັດສິ່ງຕໍ່ໄປນີ້

1 ກຳນົດພາບຄວາມສຳເລັດທີ່ຈະແຈ້ງ

ອະທິບາຍອອກມາໃຫ້ຊັດທີ່ສຸດທ່ານຕ້ອງລະບຸໄປເລີຍວ່າຄວາມສຳເລັດນັ້ນຕ້ອງວັດຜົນໄດ້ ເພື່ອທ່ານຈະໄດ້ຮູ້ທັນທີເມື່ອມັນບັນລຸຜົນຮຽບຮ້ອຍແລ້ວ

2 ແຕ່ງຕັ້ງຫົວໜ້າ

ເຮັດໃຫ້ໝັ່ນໃຈວ່າທຸກໆ ແງ່ມຸມຂອງໂຄງການມີຜູ້ດູແລຢ່າງຈະແຈ້ວຄວນຈະມີໃຜຄົນໜຶ່ງຮັບຜິດຊອບ ຖ້າສ່ວນປະກອບບາງຢ່າງຂອງໂຄງການນັ້ນບໍ່ສຳເລັດ

3 ກຳນົດຊັບພະຍາກອນທີ່ຈຳເປັນ

ຂຽນລາຍການຊັບພະຍາກອນທີ່ທ່ານ ແລະ ທີມຂອງທ່ານຈຳເປັນຕ້ອງໃຊ້ທັ້ງໝົດໃນການເຮັດໂຄງການນັ້ນ ແລ້ວມອບໝາຍຄົນເມື່ອຈັດຫາຊັບພະຍາກອນເຫຼົ່ານັ້ນ

4 ຂຽນ time line ກັບເຫດການສຳຄັນ

ສະແດງລຳດັບເວລາທີ່ວຽກສຳຄັນໃນຊ່ວງຕ່າງໆ ໃນບ່ອນທີ່ທຸກຄົນແນມເຫັນໄດ້

ປູກຝັງການໃຊ້ເຈ້ຍໜຶ່ງໜ້າ (one page)

ໃຫ້ທຸກຄົນໃນທີມຕື່ມຂໍ້ຄວາມລົງໃນເຈ້ຍໜຶ່ງໜ້າ ແນະນຳໃຫ້ສະມາຊິກໃນທີມຂອງທ່ານຕື່ມຂໍ້ຄວາມເຈ້ຍແຜ່ນນັ້ນລະຫວ່າງການປະຊຸມ

ເປີດຕົວໄປເລີຍບໍ່ຕ້ອງຫ່ວງເລື່ອງຄວາມຖືກຕ້ອງໃນຄັ້ງທຳອິດເຈ້ຍໜຶ່ງໜ້າເປັນເອກະສານທີ່ມີການພັດທະນາໄດ້ຢູ່ສະເໝີ

ຈັດປະຊຸມເຊັກດ່ວນ

ມີຫຼາຍໂຄງການທີ່ລົ້ມລະລາຍລົງເກືອບຈະທັນທີຫຼັງຈາກການເປີດຕົວໄອເດຍນັ້ນເປັນເພາະ 2 ສາເຫດດັ່ງນີ້

1 ຜູ້ຄົນເສຍສະມາທິກັບວຽກສຳຄັນ ແລະ ພາລະໜ້າທີ່ອື່ນໆ

2 ຜູ້ຄົນລືມລາຍລະອຽດ ແລະ ຄວາມສຳເລັດຂອງໂຄງການໃໝ່

ເພື່ອປ່ຽນພຶດຕິກຳເຫຼົ່ານັ້ນທຸກຄົນໃນທີມຄວນໄດ້ທົບທວນການກະທຳ ແລະ ລະດັບຄວາມສຳຄັນຂອງພວກເຂົາໃນການປະຊຸມທຸກອາທິດທີ່ເອີ້ນວ່າ “ປະຊຸມເຊັກດ່ວນ”

• ຂໍ້ຄວາມທົບທວນ 3 ລາຍການ

1 ອ່ານເນື້ອຫາ “ພາບຄວາມສຳເລັດທີ່ຊັດເຈນ” ທີ່ສ້າງຂຶ້ນມາສຳຫຼັບໂຄງການ

2 ທົບທວນລຳດັບຄວາມສຳຄັນຂອງຜະລິດທີ່ສະມາຊິກໃນທີມຢູ່

3 ທົບທວນລຳດັບຄວາມສຳຄັນສ່ວນຕົວຂອງສະມາຊິກໃນທີມແຕ່ລະຄົນ

ຄຳຖາມ 3 ຂໍ້

1 ຕອບຄຳຖາມ “ສິ່ງໃດທີ່ແຕ່ລະຄົນໃນທີມເຮັດສຳເລັດໄປແລ້ວແດ່?”

2 ຕອບຄຳຖາມ “ສິ່ງທີ່ແຕ່ລະຄົນໃນທີມຈະເຮັດຕໍ່ຈາກນີ້?”

3 ຕອບຄຳຖາມ “ສິ່ງໃດທີ່ຂັດຂວາງບໍ່ໃຫ້ສະມາຊິກໃນທີມເຮັດວຽກໃຫ້ກ້າວໜ້າຂຶ້ນໄດ້?”

ນັບຄະແນນ

ຄົນເຮົາຈຳເປັນຕ້ອງຕິດຕາມຄວາມກ້າວໜ້າຂອງຕົວເອງເພື່ອທີ່ຈະມີສຸຂະພາບດີ ແລະ ຮູ້ສຶກດີ ການຄາດຫວັງໃຫ້ຄົນອື່ນເຮັດຫຍັງໄດ້ດີສຸດຍອດໂດຍບໍ່ໃຫ້ວິທີວັດຄວາມກ້າວໜ້າຂອງພວກເຂົາຈະເຮັດໃຫ້ພວກເຂົາຫົວເສຍ ແລະ ສົ່ງຜົນຮ້າຍຕໍ່ກຳລັງໃຈ

ດັ່ງນັ້ນ ຂໍ້ສິ່ງທີ່ຄວນເຮັດຄືການສ້າງ “ບອດຄະແນນ” ທີ່ທຸກຄົນແນມເຫັນໄດ້ນັ້ນເອງ

ຈຳນວນຄັ້ງຂອງການໂທທີ່ທີມຂາຍແຕ່ລະຄົນຄວນຈະໂທໃຫ້ໄດ້ໃນອາທິດນີ້ ແລະ ພວກເຂົາໂທໄປຈັກເທື່ອແລ້ວ

ຢ່າຢາກວັດຜົນຕົວຊີ້ວັດຕາມເລີຍ ຕົວຊີ້ຕາມໄດ້ແກ່ ຍອດທັ້ງໝົດ ເຊິ່ງມັນບໍ່ມີຫຍັງທີ່ທ່ານຈະເຮັດເພື່ອຈະໃຫ້ມັນເພີ່ມຂຶ້ນໄດ້ອີກ ແທນທີ່ຈະເຮັດແບບນັ້ນ

ແຕ່ຕົວຊີ້ວັດນຳຄືການເຮັດທີ່ສະມາຊິກໃນທີມຂອງທ່ານເຮັດໄດ້ເພື່ອໃຫ້ມີຜົນຕໍ່ຕົວຊີ້ວັດຕາມ ຕົວຊີ້ວັດຕາມອາດຈະເປັນຈຳນວນຄັ້ງທີ່ໂທລະສັບໄປຂາຍ ເຊິ່ງເປັນສິ່ງທີ່ໃຫ້ເກີດຍອດຂາຍທັ້ງໝົດ

ດັ່ງນັ້ນ ຈົ່ງວັດຜົນຈຳນວນຄັ້ງທີ່ໂທໃນບອດຄະແນນ ແທນທີ່ຈະເປັນຍອດຂາຍຢ່າລືມເຊັກດ່ວນທຸກອາທິດ

ຂັ້ນຕອນນີ້ຄວນໃຊ້ເວລາພຽງວິນາທີຫຼັງຈາກໄດ້ປະເມີນຄະແນນແລ້ວຖາມທຸກໆຄົນເບິ່ງວ່າມີສິ່ງໃດແດ່ທີ່ແຜນຂອງເຮົາຈະເຮັດໄດ້ແຕກຕ່າງຈາກເກົ່າເພື່ອພັດທະນາຄະແນນໃຫ້ຫຼາຍຂຶ້ນ