ແອດມາປ້າຍຢາປື້ມ Growth Hacker Marketing “ການຕະຫຼາດແບບບໍ່ຕ້ອງເຮັດການຕະຫຼາດ” ຂໍບອກໄດ້ເລີຍວ່າອ່ານມ່ວນແຮງ

ຜູ້ຂຽນ RYAN HOLIDAY | PodSum Ep 09

table of content

Growth Hacker Marketing ແມ່ນຫຍັງ?

“Growth Hacker Marketing” ຄືກົນລະຍຸດແຮັກການເຕີບໂຕບໍ່ແມ່ນການເຮັດຕາມລຳດັບ 1-2-3 ແຕ່ເປັນຂະບວນການເຮັດທີ່ລື່ນໄຫຼໄຮ້ຮອຍຕໍ່

ແກ່ນແທ້ຂອງກົນລະຍຸດ ແຮັກການເຕີບໂຕໝາຍເຖິງການເຊົາຄິດວ່າການຕະຫຼາດຄືກິດຈະກຳທີ່ດຳເນີນໄປຕາມວົງຈອນການພັດທະນາຂອງບໍລິສັດ ຫຼື ຜະລິດຕະພັນ

ເພາະແທ້ຈິງແລ້ວມັນຄືວິທີຄິດ(ກອບຄວາມຄິດ) ບໍ່ແມ່ນເຄື່ອງມື ແລະ ວິທີເບິ່ງທຸລະກິດຫຼາຍກວ່າ

ຜະລິດຕະພັນທີ່ເໝາະສົມກັບການຕະຫຼາດ

ຮູ້ບໍ່ວ່າແມ່ນຫຍັງຄືການຕັດສິນໃຈທາງການຕະຫຼາດທີ່ຜິດພາດທີ່ສຸດຄຳຕອບຄືການສ້າງຜະລິດຕະພັນທີ່ບໍ່ມີໃຜຕ້ອງການ

Eric Ries ບອກວ່າ ວິທີທີດີທີ່ສຸດໃນການນຳໄປສູ່ PMF (Product Market Fit) ການເລີ່ມຕົ້ນດ້ວຍ ຜະລິດຕະພັນທີ່ພຽງແຕ່ພໍໃຊ້ ແລ້ວ ພັດທະນາໄປເລື່ອຍໆດ້ວຍການຮັບຟັງຄວາມຄິດເຫັນ ເຊິ່ງສວນທາງກັບນັກການຕະຫຼາດສ່ວນໃຫຍ່

ນັກການຕະຫຼາດຈຳເປັນຕ້ອງເຂົ້າໄປມີສ່ວນຮ່ວມກັບຂະບວນການນີ້ດ້ວຍທັ້ງແຍກໃຫ້ອອກວ່າ ລູກຄ້າຄືໃຜ ຄົ້ນຫາຄວາມຕ້ອງການຂອງພວກເຂົາ ແລະ ອອກແບບຜະລິດຕະພັນ ທີ່ຈະເຮັດໃຫ້ລູກຄ້າຮູ້ສຶກ wow!

ການສ້າງຜະລິດຕະພັນບໍ່ຈຳເປັນແບບເກົ່າອີກຕໍ່ໄປເຮົາສາມາດຄວບຄຸມມັນດ້ວຍຂໍ້ມູນ,​ກົດເກນ,​ແນວທາງ, ລວມເຖິງຄວາມຄິດເຫັນຈາກລູກຄ້າ

ນັກແຮັກການເຕີບໂຕຈະຊ່ວຍທົດລອງຊ້ຳໆໃຫ້ຄຳແນະນຳ ແລະ ວິເຄາະທຸກແງ່ມຸມຂອງທຸລະກິດເອີ້ນອີກຢ່າງຄື PMF (Product Market Fit)

ຫາກົນລະຍຸດແຮັກການເຕີບໂຕຂອງທ່ານ

ປະເດັນສຳຄັນຄືພະຍາຍາມດຶງລູກຄ້າກຸ່ມນ້ອຍໆກຸ່ມທຳອິດເຂົ້າມາໃຫ້ໄດ້ນັກແຮັກການເຕີບໂຕອອກມາບອກໄວ້ວ່າ

“ຍິ່ງຜະລິດຕະພັນຂອງທ່ານແປງໃໝ່ຫຼາຍເທົ່າໃດ ທ່ານກໍ່ຍິ່ງມີແນວໂນ້ມຈະຕ້ອງຊອກຫາວິທີແປກໃໝ່ໃນການເຂົ້າເຖິງລູກຄ້າຂອງທ່ານຫຼາຍຂຶ້ນເທົ່ານັ້ນ”

ຕົວຢ່າງຫຼາຍບໍລິສັດນຳໃຊ້ກົນລະຍຸດ

• ທ່ານອາດສ້າງບັນຍາກາດແຫ່ງສິດທິພິເສດດ້ວຍການຕັ້ງເງື່ອນໄຂໃຫ້ຜູ້ໃຊ້ຕ້ອງໄດ້ຮັບຄຳເຊີນເທົ່ານັ້ນ [ ເຊັ່ນ Mailbox ເຮັດ ]
• ທ່ານອາດສ້າງປະຫວັດຜູ້ໃຊ້ປອມໆຂື້ນມາຈຳນວນໜຶ່ງ ເພື່ອເຮັດໃຫ້ບໍລິການຂອງທ່ານເບິ່ງໄດ້ຮັບຄວາມນິຍົມ ແລະ ມີຄວາມຄຶກຄັກຫຼາຍກວ່າຄວາມເປັນຈິງ ເພາະບໍ່ມີຫຍັງດຶງດູດຝູງຊົນໄດ້ຫຼາຍໄປກວ່າຝູງຊົນອີກແລ້ວ (ຢ່າງທີ່ Reddid ເຮັດໃນຊ່ວງທຳອິດ)
• ທ່ານອາດເລັງບໍລິການ ຫຼື ລະບົບໄວ້ຈັກລາຍແລ້ວເຮັດໃຫ້ຜະລິດຕະພັນຂອງທ່ານໃຊ້ໄດ້ກັບມັນໂດຍສະເພາະ ມັນຄືການເພິ່ງພາ (ຫຼື ອາດເຖິງຂັ້ນລັກ) ການເຕີບໂຕຂອງຄົນອື່ນ (ເຊັ່ນ PalPal ເຮັດກັບ e Bay)
• ທ່ານອາດເປີດຕົວຜະລິດຕະພັນກັບຄົນກຸ່ມນ້ອຍໆແລ້ວເຂົ້າຄອງຕະຫຼາດນັ້ນ ຈາກນັ້ນຄ່ອຍຍ້າຍໄປກຸ່ມອື່ນໆຕໍ່ ຈົນກະທັ້ງຜະລິດຕະພັນຂອງທ່ານແຜ່ກະຈາຍຄືກັບໄວຣັສ (ນີ້ຄືສິ່ງທີ່ Facebook ເຮັດໂດຍເລີ່ມຕົ້ນທີ່ມະຫາວິທະຍາໄລ Harvard ເປັນບ່ອນທຳອິດ ກ່ອນຈະລາມໄປສູ່ມະຫາວິທະຍາໄລອື່ນໆ)
• ທ່ານອາດຈັດງານເທ່ໆແລ້ວພາຜູ້ໃຊ້ກຸ່ມທຳອິດຢ້ຽມຊົມລະບົບຂອງທ່ານດ້ວຍຕົວເອງ (ເຊັ່ນ Myspace, Yelp ແລະ Udemy ເຮັດ)
• ທ່ານອາດເຂົ້າຍຶດຄອງ App Store ດ້ວຍຜະລິດຕະພັນທີ່ມາພ້ອມກັບຟັງຊັ່ນການເຮັດວຽກໃໝ່ໆທີ່ທຸກຄົນຕ້ອງການຢ່າງຫຼາຍ (ນີ້ຄືສິ່ງທີ່ Instagram ເຮັດ ແລະໄດ້ຮັບການດາວໂຫຼດຫຼາຍເຖິງ 25, 000 ຄັ້ງໃນມື້ທຳອິດທີ່ເປີດຕົວ ແລະ ໃນເວລາຕໍ່ມາ Snapchat ກໍເຮັດແບບດຽວກັນ)
• ທ່ານອາດດຶງຜູ້ຊົງອິດທິພົນມາເຂົ້າຮ່ວມ ແຕ່ສິ່ງທີ່ທ່ານຕ້ອງການຈາກພວກເຂົາຄືຜູ້ຕິດຕາມ ແລະ ຊື່ສຽງ ອັນມີຄ່າຫຼາຍກວ່າເງິນລົງທຶນ (ເຊັ່ນ About.me ແລະ Trippy ເຮັດເຊິ່ງເປັນແນວທາງທີ່ start up ຈຳນວນຫຼາຍເດີນຕາມໃນພາຍຫຼັງ)
• ທ່ານອາດສ້າງໂດເມນ ພິເສດໃນເວັບໄຊ e-commerce ຂອງທ່ານໂດຍນຳເງິນສ່ວນໜຶ່ງຂອງຍອດຂາຍ-ຊື້ທຸກຄັ້ງໄປບໍລິຈາກໃຫ້ອົງກອນການກຸສົນຕາມຄວາມຕ້ອງການຂອງລູກຄ້າ (ນີ້ຄືສິ່ງທີ່ Amazon ເຮັດກັບ Smile.Amazon.com ແລະ ປະສົບຜົນສຳເລັດຢ່າງງົດງາມ ເຊິ່ງພິສູດໃຫ້ເຫັນວ່າແມ້ແຕ່ບໍລິສັດທີ່ປະສົບຄວາມສຳເລັດແລ້ວກໍສາມາດໃຊ້ກົນລະຍຸດແຮັກການເຕີບໂຕນ້ອຍໆ ໄດ້)
• ທ່ານອາດລອງຕັ້ງຊື່ຄີນິກວາງແຜນຄອບຄົວຕາມຊື່ລູກຄ້າຂອງທ່ານ ຫຼື ຈ້າງຄົນມີຊື່ສຽງທີ່ບໍ່ດັງຫຼາຍມາເວົ້າເຖິງເລື່ອງບໍ່ດີຂອງຕົວເອງເພື່ອສ້າງກະແສທີ່ຊ່ວຍໂຄສະນາປື້ມຂອງທ່ານ (RYAN HOLIDAY)

ສ່ວນທີ່ອັນຕະລາຍທີ່ສຸດຂອງໂມເດວການຕະຫຼາດແບບດັ້ງເດີມຄື ຄວາມເຊື່ອເລື່ອງ ການເປີດຕົວຢ່າງຍິ່ງໃຫຍ່ອະລັງການ ແລະ ອັນຕະລາຍກວ່ານັ້ນຄື ເຊື່ອວ່າ ສ້າງມັນໄປເທາະ ດຽວຄົນກໍຊື້ເອງ

ອັນແທ້ຈິງຖານລູກຄ້າຂອງທ່ານຕ້ອງ “ສ້າງຂຶ້ນ” ດ້ວຍຊ້ຳ ແຕ່ບໍ່ແມ່ນວິທີຫວ່ານແຫ ມັນຕ້ອງເປັນການໂຈມຕີຢ່າງມີເປົ້າໝາຍໃນພື້ນທີ່ທີ່ແມ່ນ ແລະ ເໝາະສົມກັບກຸ່ມຄົນໃຊ້

ສ້າງກະແສໃຫ້ຄົນບອກຕໍ່

ໂດຍແກ່ນແທ້ແລ້ວການບອກຕໍ່ຄືການຂໍໃຫ້ຜູ້ຄົນໃຊ້ຕົ້ນທຶນທາງສັງຄົມຂອງພວກເຂົາໃນການແນະນຳ ຫຼື ໂພສກ່ຽວກັບທ່ານແບບຟຣີໆ

ວິທີທີ່ດີທີ່ສຸດຄືການປ່ຽນແປງໃຫ້ມັນເບິ່ງວ່າບໍ່ແມ່ນການເຮັດເພື່ອຊ່ວຍທ່ານແຕ່ເປັນການເຮັດໃນສິ່ງທີ່ສົມຄວນເຮັດ ແລະ ແນ່ນອນວ່າມັນຕ້ອງດຶງດູດໃຈໃຫ້ເຮັດດ້ວຍ

ຢ່າງເຊັ່ນ Groupon ແລະ Livingsocial ຜູ້ບຸກເບີກທຸລະກິດຂາຍດິລລາຍວັນສຳຫຼັບ Groupon ມັນຄືການ “ແນະນຳໝູ່” ທີ່ທ່ານຈະໄດ້ຮັບເງິນ 10 ໂດລາ ເມື່ອໝູ່ຂອງທ່ານຊື້ດິລຄັ້ງທຳອິດ

ສ່ວນ Livingsocial ໃຊ້ຄຳວ່າ “ດິລຟຣີ” ໂດຍຖ້າທ່ານດິລແລ້ວແນະນຳຕໍ່ໃຫ້ໝູ່ ອີກ 3 ຄົນຊື້ຜ່ານລິ້ງພິເສດທ່ານກໍຈະໄດ້ເງິນດິລນັ້ນໄປຟຣີໆບໍ່ວ່າມັນຈະມີລາຄາໃດກໍຕາມ

ຍັງມີອີກ case ຂອງ ບໍລິສັດ Apple ໂຄສະນາໂດຍນຳໃຊ້ສະຕິກເກີ້ແຖມໃນກ່ອງໄອພອຕສີຂາວ ເຊິ່ງມີຈຳນວນຫຼາຍຕິດຕາມກຳແພງ,​ ອຸປະກອນຕ່າງໆ ແລະ ຜູ້ຄົນທົ່ວມຸມໂລກ

ການຮັກສາລູກຄ້າ ແລະ ການໃຊ້ລູກຄ້າໃຫ້ເກີດປະໂຫຍດສູງສຸດ

ນັກແຮັກການເຕີບໂຕພະຍາຍາມເຮັດໃຫ້ທຸລະກິດຂອງພວກເຂົາເຕີບໂຕ ແລະ ຂະຫຍາຍຕົວໄດ້ໂດຍບໍ່ຕ້ອງໄລ່ຫາລູກຄ້າໃໝ່

ມັນຈະປະຫຍັດໄປກວ່າບໍ່ຖ້າເນ້ນໄປທີ່ການປັບປຸງເລື່ອງພາຍໃນແທນທີ່ຈະອອກໄປຫາລູກຄ້າຢ່າງບໍ່ຢຸດລະໃນເມື່ອຜົນໄດ້ຮັບຄືກັນ

ບູໂຊເລເຍີ ຫົວໜ້າຝ່າຍວິສະວະກຳຂອງ Mailbox ບອກວ່າ

💡”ບໍ່ວ່າເຈົ້າຈະກຳລັງມີສະພາບແນວໃດໃນປັດຈຸບັນມັນສາມາດດີຂຶ້ນໄດ້ອີກ”

ນັກແຮັກການເຕີບໂຕເມື່ອຮູ້ຄວາມຈິງຂໍ້ນີ້ເຫດຜົນທີ່ພວກເຂົາພະຍາຍາມເຮັດການທົດລອງຊ້ຳໆໃໝ່ຢູ່ສະເໝີ ຫຼື ແກ້ໄຂໄປເລື່ອຍໆ

ອາຣອນ ຈິນນ໌ ອະທິບາຍວ່າ

💡ແມ້ແຕ່ນັກແຮັກການເຕີບໂຕເກັ່ງໆທີ່ສຸດກໍບໍ່ສາມາດ “ເຮັດໃຫ້ຜະລິດຕະພັນບໍ່ດີ ເຕີບໂຕໄດ້”

ພຽງແຕ່ທ່ານມີຜະລິດຕະພັນທີ່ເຂົ້າກັບຕະຫຼາດບໍ່ໄດ້ ໝາຍຄວາມວ່າແນວຄິດຂອງທ່ານໄຮ້ທີ່ຕິ ຫຼື ບໍ່ມີສ່ວນສຳຄັນໆ ທີ່ຕ້ອງໄດ້ຮັບການແກ້ໄຂ ຫຼື ປັບປຸງອີກຕໍ່ໄປ

ບໍລິສັດກຸ່ມທຳອິດທີ່ໃຊ້ກົນລະຍຸດແລ້ວເຕີບໂຕ

Start up ທີ່ກ່າວໃນປື້ມເຫຼັ່ມນີ້ຕັ້ງແຕ່ Hotmail, Airban, Groupon, Spotify ກົດລະຍຸດຕ່າງໆບໍ່ເຄີຍມີໃຜບອກວ່າມັນເປັນ “ການຕະຫຼາດ” ເຮັດໃຫ້ມັນກາຍເປັນພະລັງທາງການຕະຫຼາດທີ່ຢູ່ເບື້ອງຫຼັງການເຕີບໂຕຂອງທຸລະກິດພວກເຂົາ

• Hotmail ຄືການເພີ່ມຂໍ້ຄວາມໃສ່ສ່ວນທ້າຍຂອງອີເມລແຕ່ລະສະບັບເຊິ່ງປ່ຽນອີເມວທຸກສະບັບທີ່ຖືກສົ່ງອອກໄປໂດຍຜູ້ໃຊ້ໃຫ້ກາຍເປັນການໂຄສະນາສຳຫຼັບຜູ້ໃຊ້ໃໝ່

• Airban ຄືການເຈາະເຂົ້າໄປໃນ craigslist ເຊິ່ງເຮັດໃຫ້ເຈົ້າຂອງບ້ານພັກໃນ Airban ສາມາດໃຊ້ເວັບໄຊນັ້ນເປັນຊ່ອງທາງການຂາຍໄດ້

• Groupon ແລະ LivingScoial ຄືແຜນການບອກຕໍ່ທີ່ຈ່າຍເງິນໃຫ້ລູກຄ້າໄປບອກຕໍ່ໝູ່ເພື່ອນຂອງພວກເຂົາ

• Spotify ຄືການໄດ້ຮັບການໂຄສະນາຟຣີຈາການເຂົ້າໄປຢູ່ໃນ Facebook

ແຕ່ສິ່ງສຳຄັນກວ່າກົນລະຍຸດໃດໆຄືກອບຄິດພວກເຂົາຄືກັນພວກເຂົາລວມການຕະຫຼາດເຂົ້າໄປໃນການພັດທະນາ, ເລີ່ມເຕີບໂຕດ້ວຍຜູ້ໃຊ້ກຸ່ມທຳອິດ,​ ພວກເຂົາໃສ່ອົງປະກອບຂອງການບອກຕໍ່ເຂົ້າໄປ

ຈາກນັ້ນພວກເຂົາກໍເຮັດຂະບວນການເທົ່ານັ້ນຊ້ຳໆ ໂດຍອາໄສແນວທາງຈາກຂໍ້ມູນ ແລະ ຈົດຈໍ່ຢູ່ກັບການປັບປຸງຢູ່ສະເໝີ